October 30, 2018

හිතේ පරිණාමය


වැඩිපුරම තැලෙන රිදෙන
කීරිගැහෙන හූල්ලන බිඳෙන
හිත ඇත්තෙ නොපෙනෙන්න
සිනා වත අස්සෙ සැඟවී ම

October 6, 2018

උරුම නැති නුඹ

නුඹත්..
අපේ පාලු මහ ගෙදර වගේ..
නවතින්න හිතයි..
උරුමය මට නැති...

October 5, 2018

වැලන්ටයින් DAY

කුමට වෙන්කල දිනක් අපහට,
මතකයට නගනු ආදරය ගැන නැවත
අමතක උනොත් දිනක මට ඔබ ගැන
එදවස වේ දවස

මෙමා මළ ගමන යන

October 4, 2018

හිත මුමුනන දහසක් දේ අසයි සිත ආය ආයෙමත්

October 3, 2018

ඒ බව

ළඟ ඉද්දී කතා නොකරනවට..
වඩා අමාරු

දුර ඉන්නැද්දී කතා නොකරන
එක

බව

දන්නැද්ද වත්සලා..

ජීවිතේ කෙලෙසද කියා නොදැන
එවූ ඒ සේයාව දෙස පමණක්
බලා සැනසෙනු කෙලෙස..

තරහව

ගිණි පුපුරකි පුපුරණ
දිය බිදුවකි සිසිලන
තරහව
අැයගේ...

September 2, 2018

සඳරැස්

සඳරැස් වැටී දිලිසුණු තරුව 
නොදනීද තව තරුවක් සඳට ඇති වග 
සඳවතියේ නුඹේ සොමි සඳ කිරණ 
හෙලන විට තනි තරුව මත 
දුර ඈත ඇති තරු කැට පවා 
ඉඟි මැරූ හැටි මතකය 
තාමත් ඒ පුන්සඳට.........!

August 7, 2018

සදාකාලික අමරසිරි

ප්‍රේමයේ
සදාකාලික නොවන බව
එදිරිසිංහයන්ගේ හඬට
මුහුකල
ආනන්ද අමරසිරි
නොමැරෙන සිරියකින්
ලියන්න එය
පරමාදර්ශී නොවන බවත්

July 28, 2018

මේ කවිය නුඔටමයි

තිබුණාට අාදරය - මහ මෙරක් වගෙ නුඔයි
කවි ලීවෙ නෑ නුඔට - ඒනමුත් අාදෙරෙයි

සිත ගියත් අරෙහෙ මෙහ - නැවතුනේ ඔබෙ ලගයි
හැමදා ළඟ හිඳි - නොසිතු කතාවක් ගොතයි

මෙි දිවි ගෙවෙන්නේ - නුඔෙ නමින් විතරමයි
සොදුරු සිහිනය ඔබයි - මේ කවිය නුඔටමයි

July 23, 2018

කටු

පාදයක ඇනී
ඇදුම්කන්නට පෙර
ගලවා ඉවතලිය හැක
කටුවක්

ජීවිතේ ඇනුණු කටුද
එලෙස ඉවතලිය හැකිනම්
ගලවා පහසුවෙන්
සුළු වේදනාවකින්

July 7, 2018

තෙල්

පෙට්‍රෝලියං එකේ උන්ට හරි පඩිලු මහත්තයෝ
ඕකුං නඩත්තු කරන්න තමයි
අපේ බඩට ගහන්නේ
ත්‍රීවීල් රියදුරා ඇරඹූ කතාව
නතර කලේ මම බහිද්දි...
මමත් වරායයි පෙට්‍රෝලියං එකයි
මණ්ඩලෙයි ඔක්කොම ට්‍රයි කලා
බැරිම තැන වීල් දුවන්න ගත්තා
ඒකකට ගියා නං
ගොඩමනේ ඉතිං...

March 22, 2018

ශිෂ්ඨ මිනිස්සු..2

මුහුද ද මායිම් කර අරගන්න
අහස ද කීතු කීතු කර බෙදාගන්න
ඔබට තව හැකිනම්
සුළඟ ද අයිති කරගන්න
අපියි ශිෂ්ඨ මිනිස්සු....

March 21, 2018

ගඟබඩ සිට ඔබට ලියමි

ගංඟාවෝ ගලා යති
අවට ලෝකයක් ගැන නොසිතාම
ගැඹුරුව.. නිසසලව..
බැබලෙනා ජලතලයකින්
නොපෙන්නා..
එහි පතුලේ සැඟවාන ඇති
බාධක..උඟුල්.. ආගාධ..
.............................
ගංඟාවෝ ගලා යති!


March 7, 2018

ශිෂ්ඨ මිනිස්සු

වැට බදින්න පුන් සඳට
ඉරි ගසා හිරු බෙදාගන්නට
එකක් නෑර තරු ගනින්නට
ජාතික අනුපාතයට බෙදාගන්නට
අපියි ශිෂ්ඨ මිනිස්සු....