December 31, 2012

පළිගැනීම

සිහිනයක  අතරමග
අත් හැරුණූ කවි පදය
සිත් විලේ මල් අතර
රැඳි බඹර තුඩ වැන්න,

කවි අකුරු නොම දන්න
හිතට කවි සිත දුන්න
කවි හිතෙන් පලි ගන්න
කවිකාරි නමුත් මම

December 28, 2012

පන්සල්

පිංකම් නැති
උත්සව ඇති
ධර්මය නැති
ආතල් ඇති

December 26, 2012

සැබෑව..

සිනාසෙන්නට වෙර අරන්..
කොපුල් සැලුවෙමි මදහසින්..
දත් විලිස්සා වියරුවෙන්..
බලා ඉන්නවා කැඩපතින්..
සිනාවත් මා හැර ගිහින්.....

December 24, 2012

පැයක්

රන්පාට පුරහඳ
සිනාසෙන මදහස
ඉඟි කරන දෑස් කොන
උණුසුම් දෙතොලට
සිරවුන පයෝධර

මද අඳුර කැටිවුන
චිරි බිරි හඩින්   නැලවෙන
පැල්ලමින් ඔපවුන
ලාබ කුටියක
ඔවුන් සැනහෙන

පසුම්බිය ඉඟි කරන
දුරට යන උණුසුම
බොහෝ කලකට ළං නොවෙන
දිර්ඝ චුම්බනය
වේලාව හැගවෙන

December 21, 2012

මේජර්

උණ්ඩයට
බිය නොවු
හදවත
ප්‍රේමයට
අත් බෝම්බය

December 19, 2012

විද්‍යාගාරිත කවිය

අත්හදා බලන්නට
රසායනාගාර ගත කල
කවිය
නව හැඩයකින්
එළිබැස ඇත.
..........
දැන් එය
අංක භාවිතා කර
මහා කවි ලියන්නට
තරම්
දියුණුය.

December 17, 2012

තිතක් නැති

නිවන්නට
නැත ගිනිදැල්
සිතන්නට
හද හැමකල්
පිරවි ආදර කතා
අතරින් ගයමි
මම ගුණ ගී
නුඹේ

අලස ප්‍රේමය මත
පිපෙයි මම
විලස
සේකරගේ කවියක්

December 14, 2012

ගැහැණු

ඇති කල
හිතට වදදෙන
නැතිකල ගතට
වදදෙන

December 12, 2012

නුඹ

සිත නිවන
ගත දවන
මම විඳින
මුදු කුසුම

December 10, 2012

ඔබ

තරු අතරේ සැඟවෙච්ච
ඔය නෙතු
නුඹ දුරයි
පියමනින මට බෝම

December 7, 2012

හෙමින් ඇවිත් ලං වෙලා හිතට
ඉන්න ආසයි ජීවිතේ පුරාවට
එකම එක බලාපොරොත්තුවක් අරන්
තවරන්න හිතයි ආදරේ හැමදාම..

අද හිනා උන තරමටම
හෙටත් හිනාවක් අරන් එන්න
බලන් ඉන්නවා මේ හිත
ගෙවෙන හැම තප්පරයකම..

December 5, 2012

අහිංසක.............. පුංචි හිතක්
විසිරැනු... සිහින එක්කහු කරන්
හිරිවැටුනු... විඩාබර දෙනෙතින්
මඟ බලන් ඉන්නවා..... මහ රෑ
වෙන්ව ගිය.......... හිතවතෙක්
යළි එනතුරැ......... අරන් ගිය සතුට අරන් ♥ ♥ ♥

December 3, 2012

තරු !

කාසි සෙලවෙන සෙයිලමේ
කෑලි කැපෙනා කරුවලේ
වාසි පැත්තට පාද නංවන
රාසි තරුවල දිලෙන තරු ඇත

November 30, 2012

පොද වැස්ස...

චුරු චුරු ගාන වැහි බින්දු අස්සෙන්
සුළඟකුත් ගත වැදේ මයිල් ගස් ඉස්සෙන්
ලාවට මත් වෙන්න ඇත්නම් මල් පුස්බෙන්
කවි පොත් පිරේ තීන්ත කූඩු සිස්වෙන්

November 29, 2012

ගෙවලා නෑ කියලා
''ලයිට්'' බිල ගිය මාසේ
කපනවලු අද හෙටම
ලයිට්.....

ඉතින් මං පටස් ගාලා
ගිහින් මගේ ''ලම්බෝගිනියේ''
ගෙව්වා ''භාගයක්''
බිලෙන්......

November 28, 2012

Beach Couples

ඒ අප නොව බව
නොම දැන මහ සිඳු
රිද්මය නංවයි
පෙර ලෙස රළ බිඳ..

November 26, 2012

අප්පච්චි ලා.....

ගිනිගහන අවුවේ
කුඹුර මැද්දේ ඉදගෙන
කරේ තියෙන ලේන්සුවෙන්
දාඩිය පිහිදන මගේ අප්පච්චි,
රූප පෙට්ටියෙන් මතුවෙලා
කූල් කරපු කාමරයක් අස්සේ ඉදගෙන
ගොවියගේ ප්‍රශ්න විසදන්න
බොරු පොරොන්දු දෙන
ආඩම්බරකාර අප්පච්චිට වඩා
සිය දහස් ගුණයක්
උඹව මට වටිනවා.....

November 23, 2012

කූඩැල්ලා

අවුරුදු තුනක් තිස්සේ
ලේ බිබී ඉදපු කූඩැල්ලා
තත්පර ගානකින් ගලවලා
විසික් කරලා දැම්මා
ඒත්,
තුවාලේ තාමත් තියෙනවා....

November 21, 2012

සකිසඳ මගේ පැතුම

රනින් රුවක් නැති නිසාද?
නුඹ මාගෙන් දුරු වුයේ...
පබාවතීය සේ නොවුනට
මාත් දැකුම්කළු නොවේද?
දැලි අඟුරින් පාට කෙරුව
සුදු පාටින් සිනාසලන
අවිහිංසක මුවමඬලක්
මටත් උරුම වු නිසාද?
පෙර කර කර්මයට ඉතින්
මා වැලපී පලක් වේද?
මගේ සොඳුරු සකිසඳ හෙට
පබාවතීය ලැබෙන ලෙසට...
කුස කුමරුගේ කුලෙන් උපන්
පතනෙම් මම් මේ භවයේම...

November 19, 2012

ආයෙමත් ඒ තරු

දල්වමින්
ජීවිතේ සැණකෙළි
අහස සිපගත්ත සේ පෙණුන
මල් වෙඩිලි
නිවී ගිය ඉක්බිති

මෙන්න යළි
අතීතෙට අයිති
අර
මලානික තරු කැබළි

November 17, 2012

ගුරු (නොගැයූ)ගිතය

දින දෙකක් ගෙවී
ඒ දෑස ගිලිහී
අදවත් ඒවි දැයි
බලයි මා විපරමින්
....................
එසේ නොසිතන්
නුඹ මාගේ අල්තීනායි
එහෙත්....,
නොවෙයි මා තවත්
දුයිශෙන් කෙනෙක්..

November 16, 2012

ජෙනරේටර්

ළමයි පොලිමට හදාන
උන් කටවල් පුරවන්නට
උඹේ විනෝදේ පිරිමහන්ට
රෑට තැලෙන මගේ තුනටිය
යකඩ කියලා හිතුවද උඹ

November 14, 2012

ගිණි හාදු

කඳුළු වැනි පිණිකැට
සිනහ වෙයි අහසට
රවී දෙවී එබී මුවවට
රැස් හාදු පුලුස්සන තුරු
කිසි නොදත් හිත

November 13, 2012

මිනිස් අවශ්‍යතා

නියගය පැවතී සමයේ
මහ වැසි ඉල්ලූ මිනිසා
මහ වැසි ඇද හැලෙද්දී
නියගය සැපයි යැයි සිතූ කල
මිනිසා කෙතරම් මුග්ධයෙකු දැයි
දෙවියන් තේරුම් ගත්හ...

(සැබෑ මිනිස් අවශ්‍යතා දෙවියන්වත් තේරුම්ගෙන නොමැත)

November 12, 2012

කිව්වට නාහන ගුරු

උඹට තවම
උඹත් එක්ක ජීවිතේ
බෙදාගත්තු එකාගේ
අගේ දැනෙන්න
ගත්තේ නෑ..,

ඒක දැනෙන්න
ගන්නකොට
උඹ පරක්කු වැඩියි
උඹටම
දුක හිතෙයි
උඹගැන එතකොට

November 9, 2012

අපේ දේ අගයමු AKA ගන්න අපේ දේ..

මේඩ් ඉන් චයිනා
පොලියස්ටර්
කොඩියක් වනමින්
තාලෙට ගයමින්

මම කෑ ගැහුවා
ජපන් ටීවී අස
සිරිලක දිනවා
ජය පැන් බොන්නට

November 7, 2012

නෙළුම්පත්

යාත්‍රා බඳක
එල්ලෙයි නෙළුම්පත්
ගසා යනු රිසි ව

November 5, 2012

සඳ හා හද

උණුසුමට එකතුවන
සීතලට ගුලි ගැසෙන
මේ පුංචි සඳවතට
විදවිම පමණමද...?

November 2, 2012

මම

පේරැසක මහා බරට
ජිවිතය සනසන්න
දුක් ගීත ගයමින්ම
ඉකිගසන කෙවිලියකී....

October 31, 2012

සුබ ගමන්!!

දුර ඉදන් ඉගි කරපු හද,
කජ්ජක් නෙවෙයි කියපු ඔබ
යන්න ගිහින්, හදටත් නොකියම. 
සුබ ගමන් ආම්ස්ට්‍රෝන් !!

October 29, 2012

රිදුනු හද

රිදුනු තැවුනු බිඳුනු හද
කැබලි කැඩී විසිරී ගිය සඳ
රිදුම් දෙන්නට ඉඩක් කොහිද තව
එහෙත් තවම රිදුම් දෙන සඳ
කොතැනදැයි සොයමි මම

October 26, 2012

පින් පව්…

හරක්
ලොරියක්
නවත්තලා
බෝධිය ළඟ
පඩුරු දාන්න…

October 24, 2012

පොත් සලකුණ

ජීවිත පොතේ
නැවතුන තැන් සිහිකරවන
පොත් සලකුණ
ඔබ….

October 22, 2012

ඔබේ උණුසුම

බලා නෙත් කොණින් මා දෙස
රවා ගස්සා යොමා වෙන’තක
ඔබ හිඳ ගිය අසුන - බස්රිය කොනෙක
හිඳ ගනිමි මම, සඳ බැස ගිය සඳ….

ඔබේ උණුසුම තවම
බස් රිය අසුන මත….

October 19, 2012

ඩැන්ඩි - SMART

නිශ්චිත
මිනිය හැකි
ක්‍රියාවක පදනම් වූ
තාත්වික
කාලරාමුව

October 17, 2012

ලබා උපන් හැටි

වීදියේ කෙලවරක
පහන් කණුවක් අසල
රැය ගෙවන සිඟන්නා කීවාලු
තස්මං න ශෝචාමි !!

උස් සඳුලු තලයක
නියෝන් එළිය යට සිට
සිටු වරයෙක් කීවාලු
තස්මං න ශෝචාමි ! !

October 15, 2012

චියර් ලීඩර්ස් ලා

එහා ගෙදර පොඩි එකා,
බත් කන්නේ නැති කොට....
අම්මා ඌව බය කරනවා...
ඔන්න පුතේ,
"චියර් ලීඩර්ස්ලා එනවා"...

October 12, 2012

පමා වු වසන්තය

අඩ සියවසක ඇවෑමෙන්
පැමිණිය ද වසන්තය
මහළු වී හමුව
සිනාසලමින් පැමිණියා...
පැසුණු හිසකෙස් අතර
රැදවුණු කාලයේ
ගොරහැඩි දැතින්
මෘදුව සැනසු...
පමා වු වසන්තය
හෙට සිටන් දළුලා වී
යළිත් අප එකට බැද...

October 10, 2012

අතීතය

නුහුරු නුපුරුදු
සොඳුරු හැගුමක
නෙතුපිය යට
හද කරයි සක්මන්...
සිත සනසන
ළතෙත් වදන්
දුරස් වී...
ළබැඳි හැගුමන්
ඉකිලමින් කුඳු ගතින්
තබයි අත්වැල්...

October 8, 2012

සඳ මිතුරි......

දුක හිතුනත්
හඬන්නෙවත් කොහොමද
කඳුළුත්
සඳ අරන් ගිය සඳ............

October 5, 2012

පාලම

එදා,
ඉඳහිට පොද වැස්සක මල් වත්ත මැදින් යද්දි,
වැරදිලා වත් අතින් නොඅල්ලපු ඔබ
පාලම උඩදි, අත බදාගෙන
මහවැලියට වැටෙතැයි බියෙන්.
අද,
ඔබ නැති සමනල පාලම.
වැටියන් ගඟට.

October 3, 2012

උම්ත්තකානුස්සතිය

සබ්බේ පෟතජනා  උම්මත්තකා. !!!
සබ්බේ බ්ලොග් කරුවානා උම්මත්තකා
සබ්බේ බ්ලොග් කාරීනා උම්මත්තකා..
සබ්බේ ඇනොලාද ඩබල් උම්මත්තකාමයි..

August 3, 2012

ප්‍රේමය

දිනෙක මා මළ පසු
සුදු රෝස මලක් අත ගෙන
පැමිණෙන්න,
මගෙ දෙණ අබියසට.....

බලන්න මං හද තුළට එබී
දිදුළමින් පෙනේවි
එදිනටත්,
නුඹ සිටිනා වග.....

July 30, 2012

මැරුණා නං....

හිතෙනවා මට
මැරිලා බලන්ට
කොමෙන්ටු වැටෙනා හැටි
මගේ බ්ලොග් එකට

July 25, 2012

බිළිඳු මුව

අදත් හරි හුරතල්
කිරී සිනා බේරෙයි
තොඳොල් වදනට 
හිනැහෙයි
වසර විසි ගණනකට පෙර 
 
ඔබ

July 23, 2012

අම්ල වැස්ස

ආසයි වස්සානයට තෙමෙන්න..
වැටෙද්දි වැහි වතුර...
ඒත් ඒ අම්ල වැස්සක්..
තුවාල වුනා මුලු ඇගම..
මගුලෙ තෙමෙන්නෙ ගිහිං

අමිල චතුරංග විසින් ලියන ලද්දක් ඔහුගේ අවසරය ඇතිව මිනි කවියට එව්වේ සුදු හංසී සොයුරිය විසින්..!  

July 20, 2012

සීලවතීලා

මැදිවියේ ගෑණු
කියවති ඕප
මරමින් මදුරු
කඩමින් උකුණු

July 18, 2012

අකීකරු සිත

මිරිඟුවට පෙම් බැන්ද
අකීකරු දැවෙන සිත
නිවා සනසවන්නට
නාඳුනන කෙම් බිමට
හැකිවේ ද යම් දිනක?

July 16, 2012

විවාහය යනු,

මානව කාමුක ආශාවන්,
සංස්කෘතියෙන්  ආවරණය කොට,
සික්ශිත සමාජයක් උදෙසා,
මානවයාට වගකීමක් ලබාදෙන,
ප්‍රසිද්ධ ලිංගික ආරාධනාවකි.
විවාහයට (නි)වැරදි අර්ථකතනයක්........

July 13, 2012

තරු කතාව

අමතකයි සදවතට
අහසෙ තරු තිබුනු බව
අමාවක් දා රෑක
ලොව එලිය කරපු බව

මේඝ සුරගනන් ලග
සැතපිලා සුව විදින
පුරා හද සුන්දරයි
නමුත්, තරු දුකින් අද

හැමදාම බැහැ ඉන්න
තරු කැකුල මිය යන්න
එලෙස කියු නමුත් හද
මිය ගිහින් දැනුත් මම

July 11, 2012

ශ්‍රද්ධාව

උනා ගත රැඳි
නුරා සළුපිලි
දරා ගත
ධවල සළුපිලි
පොහොය දිනයට
පිලිවෙතින් ඩමි

July 9, 2012

වෙන්වෙමින්

ළග නොමැති කල
අගෙයි නොම වෙද
ඔබ සැනසු පෙම ගෙන
පියාඹමි ඈතට

මතක මංසල ළග
නොහඩනු මගේ පෙම්වත
ඔබ නිසා තනිවුනද
නොසොයන් කොයිද මම

July 6, 2012

පුරසාරම්

මිලට ගෙන
දහස් ගනන් වටින
අවසරපත්
නරඹති
කුඩා දුරකතන තිරයෙන්
සංදර්ශන
ඇවිත් කියන්න
ලොවට ගියවග

July 5, 2012

සම්බුදු මාලිගාව

බලා සතර පෙර නිමිති
අතැර ගිය ප්‍රාසාද
යලි පුදා වදිනවලු
අපේ ගෞතම බුදු සමිදු

June 24, 2012

සිතක් තිබුණු බව දැණුනා
මට පෙම් කරතැයි සිතුණා
මගේ දෙනෙත් දල්වාගෙන
නුඔ එනතුරු මඟ බැලුවා....

මේ දුක සැපතක් සිතුණා
ඔබ ගැන ආදරේ පිරුණා
මගේ පුංචි හිතත් අරන්
ඔබේ වෙන්න මඟ බැලුවා..

පෙර භවයක  පිං අරගෙන
ඔබගේ මනාලි වෙන්නම්
මියෙනතුරා ඔය පපුතුර
මගේම කර දෙනවානම්....

June 22, 2012

කුමුදුණියන් සුපිපෙන
තනිකම හඬවන
සීතල නවම් මහේ.............
නුඔ ගැන මතකය
වද දුනි මසිතට
එන්නේ කවදා මෙහේ...........
ගිනි අවි තුරුලුව
වැහි අව් නොදැනුන
ආදර හිමි සඳුනේ...................
නුඔගේ ආදර
උරහිස අද්දර
ඉන්නයි මඟ බැලුවේ...............
රට දැය සමයට
ඔය හිත දුන්නට
තරහක් නොමැත මගේ.............
කඳුලක් ඉඳහිට
නෙතු මත උන්නට
මම ආදරෙයි අනේ.................

June 20, 2012

අප්පච්චී

කඳුලු නෙතඟ පිසදාලා
මට ලංවුන අප්පච්චි.....
ඔබ තරමට ආදරේ කල
කෙනෙක් උන්නාද අප්පච්චි....

බත සරි කලේ අපි වෙනුවෙන්
බත් නැතිවද අප්පච්චි......
දුක දුරු කලේ අපි ලඟ තිබු
දුක් විඳලයි අප්පච්චි......

සොඳුරු වචන අඩු වුනාට
නුඔ සොඳුරුයි අප්පච්චි.....
අපිව අපිට දුර උනාට
බුදුසරණයි අප්පච්චි.......
 

June 15, 2012

කඳුල

නෙතින් මතුවූ
උණුසුම් කඳුළු කැට
උණුසුම පහව ගොස්
මිදී වියලි ගිය විට
ගෙනදෙයි සහනයක්.....

නෙතින් නොපැන්න
සිරවුණු කඳුළු කැට
හදවතෙහි සිරවී
වේදනාකාරී
සුසුම් ගෙනදෙයි.....

එබැවින්,

සිත නිවෙන්න
ඔබ හඬන්න.......

June 8, 2012

හිනහී ඉදින්...

හිනහී ඉදින් මගේ සද
මගේ නොවුනාට කම් නැත.........
කඳුලැල් මතින් දිවිමඟ
මට ජයගන්න වෙර ඇත..............

සොඳුරුයි සිතුනු දිවිමඟ
කඳුලැල් උනත් කම් නැත............
ඔබ මෙන් මමත් හිනහෙන
දිනයක් උදාවනු ඇත...............

June 7, 2012

ටිකිරි ලියා

ටිකිරි ටිකිරි ටිකිරි ලියා
ෆෝන් එකත් කණේ තියා
මෙලෝ වගක් නැතිව ගියා
බස් එක ඇගෙ උඩින් ගියා

June 5, 2012

#KGකවි

ඔතා යමක් මැදට දමා තුනී ලියුං කොලේ
සිතා අහස ළඟ ළඟමය කියා උරන වෙලේ
පිතා ළඟට එනු නොදැකම ඔතා උරපු කලේ
කතා නොකර දුම ඇරියම කණක් වැදුනි පොලේ

June 4, 2012

Nature Lovers

අභය භූමිය බලන්න
අපිත් යමු නුදුරෙදිම
බැරි නොවේවි
රෑ කෑමට
දඩමසුත් හොයා ගන්න
එනගමන් බලන් එමු
පඩිපෙලට කුඹුක් ගස්
බිත්තියට කොටි හමක්
කොහෙන් හරි
රැගෙනෙන්න

June 1, 2012

ගල

කාශ්‍යප රජතුමා,
ඇගේ සිත ගැන දැනසිටියා නම්,
සත්තයි....
මාලිගය හදනවා ඇගේ සිත උඩ...

May 31, 2012

ආකිංචන්‍යය ඛලිතයකි

ඉදින් නම්   නුඹම   නිශ්චය කලේ
නුඹට සාදරය නෙදක්වන අයෙක් වෙත 
නුඹ අනුරක්තව සිටීන වග 
ආචාරසම්පන්න වනු මැන ඹබම ගැන
ආකිංචන්‍යය ඛලිතයකි එය

May 30, 2012

එකොළොස් වැනියා කියූ කව

උදේ ඉඳන්
විකට් අරන්
මදැයි ටිකක්
හිටියා ඉඳන්

බෝලත් ඉවරයි
කඩුළුත් ඉවරයි
දැන් යනු!
ගිහින් ගනු!

අන්තිම බෝලෙට
ලකුණු අටක්!

May 24, 2012

මම

රිදී රේඛාවක්
නැති
කළු වළාකුළ
මම

May 19, 2012

ආයේත් ඇවිත්
ආදරේ අරන්
නවතින්න
ඉඩක් ඇතිනම් ..
සසරේම රැදෙන්නට
නුබ ගාව
මම පෙරුමන් පුරන්නම් .

May 18, 2012

හිනා යන තැන

ගහ ගැන  හොඳින් දන්න මට
කොල කඩ කඩ පෙන්වන විට
මුවින් නොව හිනා යන්නේ මට
පශ්වාත් භාගයෙනි  ඇතැම් විට

May 17, 2012

Sharing is caring

<3 to share
everything with you
as long as you
share your <3
with me

May 16, 2012

සොලොස් කලා සපිරි සඳ.

රන්වන් ව දිදුලයි..
ලං ව බැලූ විට,
අඳුරු පැහැති,
ආවාට පෙනෙයි!!

May 15, 2012

වීරයා මැරිලා

මචං මල ගෙදයක්.......
මචං trip එකක්..........
මචං සෙට් වෙමුද........

        යමන් මචං
    
මචං මල ගෙදයක්.......
මචං trip එකක්..........
මචං සෙට් වෙමුද........

        සොරී මචං

May 14, 2012

නුඹ වෙනුවෙන්..

දිරි ගමි තවත්
නැත වෙහෙසක්
තව දැනුනේ..

May 13, 2012

නිදහස

ලිහිණිය ,
අප
නිදහස් පියාපත්
අතැතිව

අනුන්ගෙ කූඩුවල
නිතරම .

May 12, 2012

ලොකුඅම්මගේ දූවරු

ඉන්නකල්
නොසැලකුව තොපිලගේ
කඩු
මියෑදුනාම
කොස් කොටන්නද..?

May 11, 2012

ඔබ....

නිදා සිට එක් සිහිනයක
අවධිව බැලුවෙමි
අතරමඟ
“හැර ගොස් ඇත”

May 10, 2012

අපරාද කඳුලු, සුසුම්

නිකරුනේ ගැලු
කඳුලු අරගෙන
තෙමන්නට තිබුනා
වැසි නැති ගොවි බිමක්

නිකරුනේ හෙලි
සුසුම් අරගෙන
හමන්නට තිබුනා
සිහිලසක් නැති නුවරක් උඩින්

May 9, 2012

...අහිමි වූ කවිය...

ඇස රැඳුනු, හිත වැදුනු
තැන ඇදුනු, මගෙ කවිය
හිත බිඳුනු, ඇස ඇඬුනු
තැන වැසුනු මගෙ කවිය

May 8, 2012

මිදීම

විරාගී පිලි දැවටි
අනුරාගී කය,
සිඳ ගනිත් වල
කල දුටු කල

May 7, 2012

හුදෙකලාව

පාළුවෙන් හදවත වෙලා
තනිකමෙන් හෙම්බත් කරවන
‘හුදෙකලාව’
බැඳීම් වලින් ඈත්ව
අතීතයේ මතකයන් අවුස්සන
‘හුදෙකලාව’
වියළි ඇස් තෙතබරව
කඳුළු ක්ෂණ ඇහැරවන
‘හුදෙකලාව’
ඔබ වෙන්ව ගිය තැන හිඳ
ඉඳිරියට පෙරමං වසන
‘හුදෙකලාව’

April 19, 2012

විරහව

හෝමෝ සේපියන්ස්
මූලික නාමය ලද්දාවූ
මනුෂ්‍ය වර්ගයාගේ
වාසගම
"වෙනස" වූ නියාවෙන්
ජීවන ආකෘතික
ශිෂ්ටාචාරයකට
පිඹුරුපත් සැකසූ
හිස් මොළ
ඒකායන අරමුණක
නතර වුණු
අපූරුව දැක
සුන් වී ගිය
හදවත්......

April 10, 2012

කෙට්ටු මදුරුවෝ

උදෑසන කාමරයේ
මදුරුවන් කෙට්ටුයි
මා සුරක්ෂිතයි
මදුරු දැල තුල...

April 9, 2012

කවි රහිත ආදරය

වචන රහිතව
නවකතාවක්ම ලියවෙද්දි
කවියකින් පුරවන්න
හිස් තැනක්

කොහින්
හොයන්නද?

March 8, 2012

ජීවිතය

වසත් කල
මඳහසින්
සිනාසුන
තුරුණු තුරු පතකි
මා
ගිම්හානයේ
නටුවෙන්
ගිලිහි
යන...

March 7, 2012

හිනැහුනේ නුඹ මා සමගින......

බින්ද සිතැති නුඹෙ වත කමල
නෙතු ගැටිනි නෙතු කදුලු අතරින
නෙතු කදුල පිසදා ලන්නද
හිනැහුනේ නුඹ මා සමගින

March 6, 2012

කොයි අතේ ගිහින් මම මේ හිත හදාගන්නදෝ....??

කඳුළු වැල්, ඉකිගසා
හඬන සිත සනසන්න
ගලා යයි කොපුල් දිග
පිසින්නට නොයන්නෙමි....
හඬන්නට ඉඩදී සිතේ හැටියට
දුක නිවෙන තුරු..
බලා සිටින්නෙමි.........
කෙදිනක හෝ පිසලන්න කඳුළු
සිතට සැනසුම ලැබී
හිමිවූ දිනෙක නුඔ මටම

March 5, 2012

ඔබට පමණයි ආදරේ...

කල්ප ගණනක් ගෙවීයාදෙන්
ඒත් සිත නෑ වෙනස් වෙන්නේ
ඔබට මා පිදු ආදරේමයි
කෙදිනකත් නෑ නිමා වෙන්නේ
ලංව ගෙවු ඒ සොදුරු දිනයන්
යලිත්නම් නෑ ආය එන්නේ
එහෙත් බැඳිපෙම ඔබට පමණයි
අදත් මතුවත් උරුම වන්නේ..

March 4, 2012

ලෝ දිය

හිම දියව මොහොතකින්
රත් වේවී කඳු මුදුන්
මහා හඩ නංවමින
පුපුරාවී දරා උන්
රාග ගිනි

ගලනාවූ ළෝ දියෙහි
රස බලමි දිගාවී
පහස විඳිමින සකුරා මලේ
සුගන්ධය නම් නොමැත
තව තවත් ගලා යයි
කඳු මුදුන් පිනවමින්
මහා හඬ නංවමින..
ළෝ දිය....

March 3, 2012

ප්‍රථම වරද

රාත්‍රිය අත සියලු වරදය
ප්‍රථම හාදුව ඔය විදිහමය
අකුණු සැරයක කාන්තිය ගෙන
හදවතේ ලොකු ඉඩක නැවතෙන
සටන් කරනට පොළඹවාගෙන
යටත් වෙන්නට ඉඟි කරන එක
ප්‍රේමයේ එක් මායමකි තව

March 2, 2012

Twitter

අකුරු 140ක් අස්සේ
දුක සතුට හංගන
නොදැකි පිරිවරට
ලියන සන්නස

March 1, 2012

වෙනස

වඩාත් විනීතව
ලිපියක්ද දී
නැවත හැරී යන
සමනල

හොඳටම දගකාරව
මුහුනතම සිප
එහිම නවතින
මී මැසි

February 28, 2012

ඡන්දය

අපේ මුදල් අපිට කෙළින
අපි නොමදැන අපිම වඳින
අප හිස මත තියා හිඳින
පහෙන් පහට කල ගොංකම

February 27, 2012

එළි

ඔබ ගිය තැනක නොසිට
කණාමැදිරි එළියක් සේම
පුංචි එළි පත්තු කරන විට
මම කුමක් කියන්නද
සුපෙම්වත

February 26, 2012

අංගම

මගේ ජීවිතේට
උඹ පිම්බ හුස්ම නිසා
මම දැන්
full charge

February 25, 2012

කුරුළු පිහාටු සුප්

මටත් හොටක් ඒවිද
බීවොතින්
ඒ සුප්
කියව කුරුල්ලනි
ඔය හොට’ගින්ම

February 24, 2012

මතක

පරණ පොත්
පෙරලනා විට
පිටු අස්සෙන්
අහුවෙන
වේලිච්චි මල්

February 23, 2012

සුළඟ

නුඹත් මා පෙම්වතිය වැනිවී
නූමනා කල ළඟින් සිටිනා
ඇවැසි කල අස සේයාවකුදු නැති

February 22, 2012

නොගැලපෙන

ඒ අවන්හල
මා කෙහෙ‍රැලි කිතිකවන
කොපමණ කියන්නද
රවුම් මේස අපිට නොගැලපෙන බව

February 21, 2012

තීන්දුව

නිහඬතාවයෙන් පෙනී යන්නේ
යුෂ්මතා වරද පිළිගත් බවයි..!!!

නඩුකාරතුමා
අතවූ මිටියෙන්
මේසයට තට්ටුවක් දැම්මා..

නඩුකාරතුමාගේ තට්ටුවෙන් පෙනෙයන්නේ
ඔබතුමා මේගැන කිසිත් නොදන්නා බවයි..!

විත්ති කූඩුවේ දාරෙට
එහෙම හිතපු මම හෙමීට
තට්ටුවක් දැම්මා..

February 20, 2012

රළ

රළ නඟන එක් තැනක්
හැමදාම මතකයේ තබාගෙන
කඳුළක් වට්ටවමි

February 19, 2012

පිළිවෙළ

පරවෙනා හැම මලම
බිම වැටෙන්නට පෙරම
කඩනවා නම් හොඳද
හැඩි නොකර ගේ මිදුල

February 18, 2012

හදවතේ විදුලිය

නවතින්න හිතන විට
කඩා හැළෙයි කාන්තියක්
ඇස් පසාරු කළ
හදවතේ විදුලිය ඉතිරි කළ
අමුතුම කාන්තියක්

ඔබ කොහේවත් නැති
මට නැවතීමක්ද නැති

February 17, 2012

සෞඛ්‍ය

තලුමරමින්
අරක්කු
බුදියි සුදුළුණු
කට ගැස්ම

February 16, 2012

ප්‍රේම අංශු

ඔබ දිරා ගිය පත්‍රයක්
ඈත ගැඹුරු මුහුදක
අංශු ලෙස පතිත වුණ

February 15, 2012

හඳට බැනීම

උඩ බලාන බැන්නා හඳට
හඳට හොරන් පෙම් බැඳි මම
නැහැ සැලුනේ ඒ සඳවත
කෙල ගහගෙන මම මුහුණට

February 13, 2012

පෙම් සිත

මිහිමඬලේ ඉම සොයා
දුරට පියමන් කරන
පාට දේදුන්නක නැගි
හිරුට ඉනිමන් බඳින...
නුඹ දොඩන පෙම් කතා
හදවතේ පැල් බඳින
කළුවරට ආවඩා
ප්‍රේමයේ සැරිසරන...

February 12, 2012

අතීතය යළි නොඑන හිංදා

හද තද කොට
දෑතින් අල්ලා
දුකට සිනාසෙන්නෙමි
කඳුළු කැට උණු
නෙතට නුහුරු හින්දා.

February 11, 2012

සෙමට කෙමක්

වැස්සක් ඇවිල්ලා
වැස්සට තෙමිලා
කැස්සක් හැදිලා
කැස්ස වැඩි වෙලා

February 10, 2012

ඔන්න මං අඩනවා

මගේ හිතම රිද්දල
බිඳෙන් බිඳ
එක පිට ඇවිත්
ඇස්වලින්
කඳුළු කැට
පනින්නට හදනවා
දකිනවුන් දැකපුදෙන්
ඕනෙකක් හිතපුදෙන්
එහෙම නම්
ඔන්න මං අඩනවා

February 9, 2012

නික්මීම

අදිසි නිල් හරිත් වරුසාවක
අතරින්
ඡායාව නුඹෙ බොඳ වූ මීදුම් දුමාරයෙන්
හිනැහුනු
එහෙත් අද?
හිනැහිච්ච වස්සානය නැවතිලා....
ඇදහැලුනු අයුරින් ම
නොකියාම
ගිහින්.

January 15, 2012

ෆයිනස්

දහස් නෙක මිල ගෙවා
නිවස මැද්දට වඩවනා සඳ

ගොපලු විරුකම් තනා බැතියෙන්
තබා පඬුරුද එහි ම සෙවණින්

නව වසේ දින පළමුවට පෙර
ඇදෙයි කුණු මුලු සොයා බිම වැද

නැවත වසරක හිම දුරුත්තක
පැණ නඟී කිසි නොවූ විලසට