November 11, 2011

මනාප හිනාව

දසන් දක්වා
ණයට ඉල්ලා
ජිවිතය මුලාවට
ඉඟිමරණ අපුරුව...

November 8, 2011

පිණි බිඳ

ගසක් අතු රිකිලි ලා
මහත් තේජසින්
හාත්පස විහිදී
සිය රිකිලි හිස පැළඳි
මලක් දකිනු රිසින්
ඔබ මොබ සැලෙද්දී
එහි රැඳී එක් පිණි බිඳක්
පත් අගින් ගිලිහී
මහත් වෙහෙසක් දරා
මුල සිප ගනු දුටිම්
මලක් සොයා
වෙහෙසට පත් ගස
සෙමෙන් පිණි බිඳ දෙසට හැරී
පවස සංසිඳුවා ගති..

November 7, 2011

පුරහඳ

රහසින්වත් පෙම් නොකළ
පුරහද
අන්න දෙපලු කරගෙන
හදවත

November 6, 2011

තාරුණ්‍යය

තටුසලා පියඹනා
නිදහසේ ඉගිලෙනා
සුන්දරය ජිවිතය
මල් පුසුඹ කැටිවෙලා

November 5, 2011

ප්‍රේමය
කතා කරනු බැරිව ගිය
සෙල්ලම් බෝනික්කෙකි
තවමත් විසි නොකළ

November 4, 2011

සෙනෙහස

සඳ සීතලට
උණුසුමක් වී ඉන්න...
ඉකිබිඳින කවියක
පද වැලක් වී ගයන්න...
නුඹ සිටින ඉසව්වක
ආදරෙන් දැවටෙන්න...
විඩාබර ජිවිතයට
අත්වැලක් වන්න...

November 3, 2011

ප්‍රේමාතුරයා

හිතවතිය ,
මා
ප්‍රේමයෙන්
ආතුරව

ඔබ
දුම්මල වරම
අතැතිව .

November 2, 2011

ආදරේ ඉම

සුන්දරද? අසුන්දරද?
සරලද? සංකීරණද?
විදීද? විදවයිද
අනේ මගේ ආදරේ
කොහෙන් කෙලවර වෙයිද?

November 1, 2011

සඳ

හවස වට වැස්සට
ලිස්සලා විත් පොළොවට
මඩ කඩිති මතුපිට
සඳ පෙනෙයි බැලු බැලූ අත!

October 31, 2011

ජීවිතය

කදුල අවසාන
නැගෙන සිනහව
විදි නම් හදවතින්
දුකද සතුටකි
කදුල මිහිරකි
දිවිය සොදුරුයි
හැම කල්.

October 30, 2011

System

නමෝ කියා බුදු මැදුරෙන් වීදි බසිත්
ළමෝ හදා වැඩිහිටි මැදුරෙහිම වෙසෙත්
වමෝ බැඳී "දියව් දියව්!" බෙරිහන් දෙත්
කිමෝනා ඇඳන් ජපනාටම බැට දෙත්

October 29, 2011

තුහින මලක්

තුහින මලක් මම
තණ අග සුපිපුණු
බලා හිඳිමි රන් හිරු රැස් එන මඟ
ඉන් එළි බිඳකට
මොහොතක් පෙම් කර
සැඟවෙමි දිදුලන මතකය පොදිබැඳ

October 28, 2011

මිතුරුදමට හෙණ ගැසූදා

කටු කාගෙන
වැඩ වමාරගෙන
රෑ නිදි මරාගෙන
උදව් කළ මේ අත්
කපා දැමුවානම්
හිතේ දුක
වාවගන්න තිබුණා...

මිත්‍රත්වය වෙනුවෙන්
දිගුකළ
අපේ අත්වලට
හෙණ ගහපන්......

October 27, 2011

unique

වැස්සකට පසු එන්න
හද සීත තවරන්න
වෙව්ලනා දෙතොල් අග
තුහින සුසුමක් වෙන්න...
අව්වකට පෙර යන්න
දිලිසිලා සැඟවෙන්න
අනුපම රටාවක්
හදවතේ ඇඳ යන්න

October 26, 2011

පුරඟන

පියුම් පුදින
සොඳුරු උදෑසන
නිදි යහනින්ද
අවසර නොගෙනම
මා කෙරෙන්
රහසින් දුරුවන
මගේ පෙම්බර
පුරඟන...

October 25, 2011

උදෑසන

අඳුරු සළුපිලි
උනා විගසින්...
සීත පිනි කැට
රටා සිත්තම්...
සකුණ ගීයක
සුභ නිමිත්තෙන්...
උදා වුවා
රවිඳු මනකල්...

October 24, 2011

ගිනි

ගිනි පුපුර දඟ කරන
හදේ අළු යට නිදන
සුසුම් සුළඟින් සැලෙන
දවන, ගිනිබත් කරන
නෙතු සරක පටලැවෙන
ඇඟිලි තුඩු අග රැඳෙන
සැනෙන් සියොළඟ වෙලෙන
නිවෙන යළි යළි දැවෙන

October 23, 2011

ඇය

ඇස් නිලුපුල් නොවුනට
මුහුන සඳවත දෙතොල් නාදලු
සිගිනිඟ සිරිවස කෙස් සුනිල් වලා
නිය මුතු නොවුනට ඇය ඔබද මන්දා.

October 22, 2011

දුර සයුර

කඳු මුදුන පිපුණු මට
පෙනෙයි දුර ක්ෂිතිජ ඉම
සෑම සිහිනයක අග
දැනෙයි සයුරක සුවඳ
එකින් එක පෙති සිඳිමි
සුළං අත පා කරමි
හෙට දකින සිහිනයක
සයුර, මම නුඹ සිඹිමි

September 15, 2011

දුරස් වු සිත

මුදු සිහින අතර
සැතපුන ම සිත
නුඹට තුරුළුව
ලැබු උණුසුම
මගෙන් දුරු කර
ඇයට ළං කර...

September 14, 2011

මම ඇයට ප්‍රේමය
තෑගි කලා
ඈ මට සපත්තුවක්
තෑගි කලා

September 13, 2011

ආදරය

ආදරය, ඔබ නම් අපුරුයි..!!
අවසානයට ඉතිරි කර ගියේ...
මා සිතෙහි ඉපදුනු විරහවේ,
කවි සිතුවිලි විතරමද...?

September 12, 2011

කැටපෝලය

වේලිච්චි අත්තක කරුවක්
හිල්වෙච්චි ටියුබයක රබර් පටි
අඩිය ගැලවුණ සපත්තුවක හම් කෑල්ලක්
එකට වෙලා හැදූ කැටපෝලයෙන්
බ්ලොක් ගල්, කබොක් ගල් කෑලි විද
එළවන්න ද කැලේ නියවන
කපුටන්, වවුලන්, බස්සන්, වඳුරන්
තලු මරමින් නිදි කිරන...

September 11, 2011

රූං රූං

මං ඉන්නං වෙනිං කවුරුං හරි එනකං
එතකං මා ලගිං හිටහං
පුලුවංනං මකහං මගේ තනිකං
බැරි නං ඉතිං පලයං

September 10, 2011

පෙම් සිත

මිහිමඬලේ ඉම සොයා
දුරට පියමන් කරන
පාට දේදුන්නක නැගි
හිරුට ඉනිමන් බඳින...
නුඹ දොඩන පෙම් කතා
හදවතේ පැල් බඳින
කළුවරට ආවඩා
ප්‍රේමයේ සැරිසරන...

September 9, 2011

ඉරිසියාව.

තුරු සිරස
මුදුනින්ම
සුපිපි
අර-ලිය මලක්,

හිනෙහෙනා
අයුරු දැක
ඔරවනා
බිම් මලක්.

September 8, 2011

මගේ සිතට

නැටුමක අවසානය
මත් සිත
දහඩිය ගත
තව එක වටයක් කැරකී
හති හලා
පද්මාසනෙන්
සැරසෙයි වඩන්නට බවුන්
අබ්‍රහ්ම චාරියා .........
බ්‍රහ්ම චර්යාව .

September 1, 2011

තාරුණ්‍යය

තටුසලා පියඹනා
නිදහසේ ඉගිලෙනා
සුන්දරය ජිවිතය
මල් පුසුඹ කැටිවෙලා

August 31, 2011

සුන්දරම් ගේ පෙම්පත

මගේ නම සුන්දරම්
මම උඹට ආදරම්
තල්ගහ යටට වර වරම්
නැත්තම් මර මරම්

August 30, 2011

නික්මීම

නෙතු දෑලේ
දැවටුන ඒ සොඳුරු රුව
හද සදා පිරිමැද
කඳුළු බිඳුවක
මතක කැටිකර
මගෙන් දුරකට
නික්මුනා...

August 29, 2011

කුවේණි

අපහාස
උපහාස
විඳ දරාගත්තා
බැති සිතින්
කුවේණී
දරු ගැබත්
කුස දරාගෙන....

දුක
වේදනාව
විඳින්නට බැරුව
නොපෙනෙන මානයක ඉඳ
ඉකි බින්දා
කුවේණී
දරු ගැබත්
තුරළු කරගෙන....

August 28, 2011

ජීවිතය

කපා දැමු
අරලිය අත්තක්
ප්‍රසුත කරා
මල් ඉත්තක්
මියෙන්නට මත්තෙන්...

August 27, 2011

මතකය

මාලතී මල් සුවඳ
පිරුණු ඒ නිශායම
සිතුවිලි නුවර පුරාම
ඇවිද ගිය අනන්තය...
ළං ළංව මායාව
නෙතු පියන් දැවටෙන
සුන්දරයි නුඹ මතක
විඩාබර මගේ සිතට...

August 26, 2011

උඹ ගියාට පස්සේ

පමා වී ආ වසන්තයට මල් පිපෙන්න ගත්තා විතරයි
අනේ මේ මූසල සීත සෘතුව මකලා දැම්මනෙ ඒ ඔක්කොම
පූදින්න උන්නු පැතුම් මල්.....
හිතක් පපුවක් නැති එකා

“ ඕ....ඉන්න බෑ සීතලයි වහලා දාපන් ඔය ජනේලෙ
ගේ ඇතුලට සීතල එනවා..”

ෂික් හිතේ හැටියට දුක විඳගන්නවත් නැති හැටි
චිරි.. චිරි.. චිරි.. ඩස්!!

August 25, 2011

පැතුම

රතු ඉර ළඟදි
ආලය දුරුවුවා
කහ ඉර ළඟදි
නැවතත් අප හමුවේවා!

August 24, 2011

රෝග වාර්ථාව

ඇසේ වැළපිලි
සිතේ සිතුවිලි
නැතේ හසරැළි
නෙතේ කඳුලැලි

ගතේ හිතනැති
හිතේ නුඹනැති
නුඹේ දුකරැඳි
දිවිය නිමිනැති

August 23, 2011

තනිකම

සීත හිම මංසලේ
තනිව සරනා පැයේ...
ඉකිබිදින හද මඬල
නුඹ සොයා එන රැයේ...
මට ද නුඹ නුඹට මා
සැනසුමයි ළං කලේ...
සැම ඉතින් දුරුවෙලා
ඉකිබිඳින මේ පැයේ...

August 22, 2011

ඇය..

සන්සාර සිහිනයේ
සක්මන් කරන්නී...
නුඹම පතාගෙන
සසර සරන්නී...
නුඹ නමින් සැමදා
පේවී හිඳින්නී...
ප්‍රේමයේ සොඳුරුතම
දිව්‍යාන්ගනාවී.....

August 21, 2011

බේගල්

පට පට ගගා ඇවිලෙන හඬ එයි එ මට
වැටුනා වගේ ගිනි හුළ බට කැලේ කට
තටු නැති උනත් ඉගිලිය හැක හතර වට
කට කලු දෙපා සතෙකුගෙ බේගල් වලට

August 20, 2011

හැබෑව

අහිමිවි යන නුඹ
ඇවිත් කීවා මට
අහිමිව යනවග
සිහිනෙන්

හැබැවක් වුනු
එකදු සිහිනයක්
නොවේ යැසි සිතු
සිතට ලැජ්ජයි

අහිමි වන්නට පරෙම
ඔව ඇවිත් සිහිනයෙන්
කිව් නිසා අදින් මට
අහිමි බව සිහිනයම

August 19, 2011

ගමේ අපි අපි මරාගෙන මරාගෙන දිනෙව්වා උන්
උන් දිනූ සතුටට උන් ජය පැන් බිබී නටත්දී
ගමේ අපි තාම මරාගන්නවා උන් වෙනුවෙන්
පලවෙනි දෙවෙනි බදාගෙන සුභ පතත්දී
අපි තාම මූණ බලන්නෑ පාරකදී ගමේ එකාගෙම..

August 18, 2011

පපුතුරේ සැඟවිලා
විඳගන්න ඔය සුසුම්..
ඇසිල්ලක් දෙනවාද
එකම එක වතාවක්

නෙතු පතුලේ කිමිදිලා
අහුලන්න පෙම් හැඟුම්..
නුඹේ නෙතු එළිය ඇති
ඇත්තමයි රත්තරන්....

July 31, 2011

සවන

දහස් ගනනක් මුව විවිරවිය
අහිමියි කියන්නට නූඹ මට
විවර නොවුනා එකදු මුවක්
හිමි වේ යැයි කියන්නට

කපාලන්නට හිත්නා නෙවෙද මට
මගේ සවන

July 30, 2011

අම්මා

දරු ගැබක් කුස දරා
දසමසක් පෙරුමන් පුරන්නී....
සුවහසක් කල් වුව ද
අප නමින් පැතුමන් පතන්නී...

July 29, 2011

කැඳ බඳුණ

ඇය
පළුදු වූ
කැඳ බඳුන

කැඳත් ,
රැවුලත්

මහට
අහිමි කළ .

July 28, 2011

?

දකින්න ආසයි
ඒත් කොහෙද ඔබ ?
විඳින්න ආසයි
ඒත් කොහෙද සිත ?
කියන්න ආසයි
ඒත් කොහෙද ලඟ ?
ලබන්න ආසයි
ඒත් කොහෙද පින ?

July 27, 2011

අනේ අර සඳ තාම අඬ අඬ
හිඳියි මා හොරැහින් බලා
ඇයට මම කවි නොලිය හිටියොත්
එවනවලු ඈ කළු වලා

විටින් විට සඳ වහ ගනියි වත
වෙලා-ගෙන ගත කලු වලා
මට මොකෝ වෙත ඈට කවි නැත
යවමි සේරම තරු බලා..

July 26, 2011

ලියවේය දස දහස් කවි පද
ඔබේ නමින් ගොතාලා
කෙසේ පවසන්නේ වයාලා
ඔබ මගේ ජිවයයි ගෙවෙන දිවි පුරා

මවා රසදුන් සිනා කැන්
මහද ගැබ සිසාරා
ගෙනේ මිහිරක් හද තුටින් පුරවලා
‍රැක ගනිමි ඔබ මගෙයි සසර පුරා

July 25, 2011

අවිහිංසක පැතුම !

කඳුළු මුතුකැට හීන අහුරා
නෙත් අඟින් මිඳිලා වැටෙද්දෙන්…
සුවඳ මැකිලා පරවු පැතුමන්
සිත් අසපුවේ විසිරී ගියාදෙන්…
මගෙන් මිඳිලා දුර ඇදෙන රුව
තවත් එක් මිරිඟුවක් වුණදෙන්…
හිතම පාරා දුකක් දුන්නත්
ඔය හිතට සැනසුම ලැබෙද්දෙන්…!

July 24, 2011

තරු දෙනෙත දිළිසෙමින්
ආදරෙයි කීවාම...
පපුතුරේ හැන්ඟෙමින්
උණුසුමක් සෙව්වාම...
දාලා යන්නේ කොහොම මන්
ජීවිතේ නුඹ ගාව.......,,,

July 23, 2011

වහින වැහි හැම එකක්ම
එක වගේ නෑ
ඒත් ....
වැස්සෙ තරම කොයි වෙතත්
ඇදහැලුනෙ වතුර විදිහටමයි..

හිතට දැනුනු හැම දුකක්ම
එක වගේ නෑ
ඒත් ....
දැනුණු දුක කොයි වෙතත්
බොඳවුණේ කඳුළු විදිහටමයි..

July 22, 2011

මට මෙතනට පෙණෙනා සඳ
නුඹටත් ඔතැනට පෙනේද ?
මට කරනා විලසට ඇය
නුඹටත් ඇහැ ඉඟි මැරේද ?

July 21, 2011

සටන

කැහුටු බැල්ලියක්
සමග සටනක
ජීවිතය වැරදුනු
නාකි හීරලුවෙක්

July 20, 2011

කේන්දරය

ඔක්කොම තරු පිහිටා ඇත හරි හරියට
රාහු කේතු ඇත්තේ මගෙ ඉහ හරියට
චන්ද්‍රයි ග්‍රරුයි පිහිටා නැත ලග හරියක
සිකුරු තරුව වඩින්න මගෙ අත හරියට

July 19, 2011

කාලිදාස

මට දුරින් හිඳ
දැනුනත් නොදැනුනා සේ
පාන සෙනෙහේ මඟ හරින
කාලිදාස....
මේ ගැබ්බර හිත දරන්
තවමත් කවිකම් කරන
සතුන්තලා මම....

July 18, 2011

අනේ මගෙ ජීවිතේ
හොදම කල නැති වුණේ
ඇගේ වරදින් නොවේ
මගෙම වරදැයි සිතේ

July 17, 2011

"ආදරය" යන
නිමක් නොදකින අනන්තය
මම, ඔබේ නෙතඟින්
බලාඋන්නෙමි...
මගේ ලය මත තැවරූ
සුසුමින්...
ඔබේ සුවඳ තව
රිදුම් දෙන්නෙමි......

July 16, 2011

සිගරට් දුමෙන් පැහැ වුන
ඔබේ සුසුමක සුවද,
මකරන්ද සුවදට
සමකරන්නේ කෙලෙස,.

July 15, 2011

ලිවුවොතින් දහ පදක් අද මම
ඉන් අටක්වත් තවම නුඹ ගැන
එකක් වත් නෑ අනේ මං ගැන
ඉතුරු දෙපදෙත් ආදරේ ගැන

July 14, 2011

"ආදරය" යන
නිමක් නොදකින අනන්තය
මම, ඔබේ නෙතඟින්
බලාඋන්නෙමි...
මගේ ලය මත තැවරූ
සුසුමින්...
ඔබේ සුවඳ තව
රිදුම් දෙන්නෙමි......

July 13, 2011

දිගන්තය

අනන්තයක් වුව
සුන්දරයි හැමකල
නොම දත් නුඹ
සිටිනා ඉසව්ව

දිගන්තයක් මය
වසන්තයේ අග
වඩින කල නුඔ
මල් වැසි වස්සන

July 12, 2011

කරපිංචා

අත්ත බිඳ
පත්‍ර සිඳ
හොද්ද මත
වැටුනු මම

හොද්දෙ රස
බැලුව පසු
පැත්තකට
දමපි ඇය

July 11, 2011

බලාපොරොත්තුව

රැගෙන යන තුරු
නුඹේ ලෝකෙට
බලා හිඳින්නම්
දවසක් දෙකක් නොව
දිගම දිග කල්පයක් වුව....

July 10, 2011

අසම්මත පෙම

අසම්මත වෙන්න ඇති
සම්මතය බිඳ දමා
පටලවා ගත් නිසා අපේ අත්.....
ඒ වුනත්...

සම්මතය රැකගන්න
බිඳගන්නෙ
කුමකටද
සෙනේ සිත්.....

July 9, 2011

සුරාන්තය

කම් සුව විඳින්නට
සයනේ හරි බරි
ගැසුනමුත්
කන් බෙර සුද්ද විය
බඩ උඩට නැඟි
නුඹගේ කෙඳුරුමෙන්

July 8, 2011

ආදරයේ ඇදුරුතුමිය

අ' යනු 'ආ' යනු
කියනු වෙනුවට
සඥ්ඥක මූර්ධඡ අතරේ
සිර කෙරුවේ ඇයි මගෙ සිත

July 6, 2011

මැල්ලුම් ආදරය

ලියා තබා ඇති
මලවා ගත නොහැකි
මාගේ ආදරය
මැල්ලුමකි....

July 5, 2011

මලක සුවඳ
දොලක සිහිල
නොවිඳි සිතට
කියනු කෝම
පෙමක සුවය....

July 4, 2011

සමුගෙන යන්නට ආදා ඉදලා
මගෙ ලොවෙන්
පාර සොයන්නෙ ඇයි නුඹ
කඳුළැලි ගලනා මගෙ ඇසින්........

July 3, 2011

ඕපාදූප

හහ් අදත්
අරගෙන එන්න වුනා
කෝප්ප ගොඩක් ගෙදර,
මට පවුල එක්ක
ඉන්න වේලාවක් නෑ
මේවා හෝදන්න තියෙන නිසා
රෑට..!

July 2, 2011

ඉඩකඩ ඇති තනිකම

හිරවෙලා ආදරේ කරන්න
නැද්ද ක්‍රමයක්
මගේ හිත ලොකු වැඩියි..,
ඉඩ තියෙන නිසා හීතලයි

July 1, 2011

පුංචි පුංචි බලාපොරොත්තු...
බිංදු බිංදු කඳුලු කැට වලින් ...
ඩිංග ඩිංග දිය වෙලා යද්දි ...
හැංඟි හැංඟි මං බොතලයක්ම බීලා ...

June 30, 2011

සිනහවෙන්නට ඉඩක්

අවුල් ඔක්කොම හිරකරන්
ඇස්සට දත නියවන්
පාරම් බ බා බැරිකම්
ලෝකෙට හංගමින්
කොටි වළිග අල්ලන්
හත් වරිගයට බනිමින්
තමන් දෙසම බලමින්
මේන් සිනහවෙන්නට ඉඩක්!!!!

June 29, 2011

ඉරණම

ලියාගන්නට කවි පදයක්
සොයා ආවා නවාතැනක්
නැති උනේ මට වදන් පොදියක්
ගයන්නට ඒ ප්‍රේම ගීයක්

June 28, 2011

උඹේ කටින් ආදරේට
එදා කිව්ව බොරු දාහට
දුක්වෙන්නෑ රැවටුනාට
මවා දුන්න හිස් ලෝකෙට
පණ දෙන්නම් උඹේ නමට
ලියා එව්ව පෙම් පත් මිට
කීතු කරලා එක හුස්මට
විසි කෙරුවා නුවර වැවට

June 27, 2011

පැනල යයි කියල
හංසයෝ
ලෙහන්නට කලින්
ඉස්සරහ පිලට
හරස් කලා කුල්ල
පිළිකන්නෙ
දොර වැහෙන්න
දැම්මා ඇඳන් හිටපු
සරම
නිදහස් කරපු
හංසයෝ
කරන සෙල්ලම් බලන්න
දැන් බයක් නෑ මට
කොහෙත්ම!

June 26, 2011

අහස් කුස පුරාවට
නේක තරු විසිරුනද
පුරා හඳ තරම් එළියක්
තරු රැසින් ලැබේවිද......

ඒ විලසමයි තවම
ඔබ නොමැති දිවි ගමන
සරා සඳ නැති ලෙසක
කලුවරයි සිත් අහස......

June 25, 2011

මගේ හිතගෙන
සැහැසි වූවොත්
නුඹේ හිත මම
පලමි හතරට....

June 24, 2011

දහස් ගනනක් තාරුකාවන්
නිවෙයි දැල්වෙයි ගගන මත්තේ
සහස් සුවහස් පැතුම් කන්දක්
පිපි පරවෙයි මසිත මත්තේ

June 23, 2011

රිදුම

එම්මබා නියපොත්ත
තවත් නම් කපන්නේ නැහැ
රිදෙන්නේ නැති බව දැන දැනත්
මාවම කොනිත්තන නුඹව

June 22, 2011

නෝක්කාඩු කතාව සෙනෙහස නැති ගානයි
නාස් වලින් පිටවන සේ තරහව බෝමයි
පිටින් උරණ උනත් තවම හිත යට සුවඳයි
නොගන් වාඩු බැඳි සෙනෙහස තවමත් තරුණයි

June 21, 2011

ඉලංදාරියාට

කියන්න හුගක් දේ ඇති නිසා
කියාගන්න මට වචන නැති නිසා
නිහඩ වෙමි සබද
සීතලට ගල් වෙච්ච නුඹේ ගත සේම
ඒ දුකට තෙත් වෙච්ච අපේ හදවත් වසා..

June 20, 2011

කුකුල් හොරා

අත්තාපල්
මුත්තාපල්
කුකුල් හොරා
කොස්තාපල්

June 19, 2011

ඔබේ සිත් මළුවේ...,
ආදරයේ පහන් වැටි දල්වන්නට
සුවද මලින් සරසන්නට
මා පින් කර නැති උවත්
ආදරණීය නැගණියනි
මා පින් කරන්නම්...
ඔබවම පතා.....මතු බවයේ....

June 18, 2011

එදා දුටුව
ඔබේ රූ සපුව
මෙදා වියැකී ඇතත්
මතකයේ රැඳී ඇත
එදා ඔබේ රූ සපුව

June 17, 2011

අලුගෝසුවා

ආදරියගේ ජිවිතයට
ජිවිතයම වු ආදරය
එල්ලා මැරුවෙමි

June 16, 2011

ඔය ඇස් වලින් නොපෙනෙන හැගුම්..., මං දුටුවේ නැති තරම්
ඔය සිනාවෙන් සැගවූ සුසුම්..., මට දැනුනේ නැති තරම්
ඔය නිහඩ බව ඔබේ.., පොඩ්ඩක් වත් නොතේරෙන තරම්
කොතරම් කීවත් ඔබ සෙනෙහසින්, මා සිත නොනිදා හඩන තරම්...

June 15, 2011

හොරය

හද පායනකොට
හැංගෙන තරු වගේ
මම හිනාවෙනකොට
හැංගුවා නුඹ දෙනෙත

June 14, 2011

ඔයා මළ ඇණයක්...

ඔයා වෙලාවකට
මළම ඇණයක් වෙද්දි
හිතෙන්නෑ තාමත්
මුකුත්ම කියන්න

June 13, 2011

හිරු එළිය මැද
වැටෙන
වැසි පොද
මවයි අමුතුම සිරියක්

June 12, 2011

සිංහලෙන් හඬන

උමතු පිහා‍ටුවක්
සිංහලෙන් හඬන
ඉංගිරිසියෙන්
කඳුළු පිසලන
මගේ ළඟ
තවම

June 11, 2011

මීට ඉස්සර කලට පෙරකදි
නිකං ලියැවුනි නුඹ නමට කවි
ඒත් දැන් මේ ඉඳල ලඟකදි
කවියකට, බාගෙකුත් මට මදි

June 10, 2011

මිරිගුවයි නොලැබෙනා

සදාකල් ලග තියන්
රැකගන්න වෙරදරපු
කිසිම දා මා දමා
දුර නොයැයි යැයි සිතපු
අන්තිමේ කදුළුවල
ගිල්ලවා මා දමපු
මිරිගුවයි නොලැබෙනා
රැකගන්න වෙරදරපු.....

June 9, 2011

නිර්මාංශ භක්ෂකයා

පිසින්නට කොළ
සූරාගත්කල
වේදනාවෙන් හඬන්නට
කඳුලක් හඬක් නොමැතිව
දරාගෙන හිටියා ගහක්

June 8, 2011

පහන් කණුවක් යට
පරවූ මලක්
බිඟු පහස සොයයි

June 7, 2011

Rest Room

ඇදි පු‍ටු ඔරවයි
බරට
තම හදවත මත නැඟ
නිදන
කම්මැලි ගැහැනුන්ට

ඒ ගැහැනුම
බැණ වදියි
සුව නොදෙනවාට
නිදන්නට
මහලු ඇදි පු‍ටුවලට

June 6, 2011

ඊයෙ වගෙ මින් පෙරත් දවසක
වළාකුළු ඉර ගිලපු සවසක
නුඹට මතකද හැඩුව නුඹ මම
ගාලු මුව දොර වෙරලෙ අයිනක

June 5, 2011

මේ පුංචි කණාමැදිරිය...

ඉක්මනින්
සද පෑව්වා...
තරුත් හිමිහිට
එබී බැලුවා...
අතරින් පතරට
සුලගත් හැමුවා...
අන්තිමට
මේ
පුංචි කණාමැදිරියව
නුඹට
අමතක වෙලා ගියා...

June 4, 2011

නිදන
මල් කුමරියව
ඇහැරවයි
හිරු කුමරු

June 3, 2011

මදුරු කොයිල්

ආලය
මදුරු කොයිල් කර
රවුමට
රවුමට
ගිනි ගන්නට

රවුමට
රවුමට
අළු වැටෙන්නට
සකසා විකුණමු
අපේ නම් එක් කර

June 2, 2011

ගැලරිය

ගැලරියට සැදූ සිනමාව
BOX එකේ සිට බලන අපි....
සිනාසෙමු ගැලරියට....
මෝඩ යක්කු...

June 1, 2011

ආදරෙන් සිටි එදා
නුඹ දුරක ගිය නිසා
හිත මැද්දෙ දුක තියා
කවි නැත්තෙ නුඹ නිසා

May 31, 2011

තවත් මක් කියන්නද නුඹ නමට...

කවි ලියූ
කවි කියූ
නුඹ නමට
සද කියූ
තරු කියූ
නුඹ නමට
මම කියූ
අපි කියූ
නුඹ නමට
තවත් මක්
කියන්නද
නුඹ නමට

May 30, 2011

මෝඩයා

ඔබට ආදරය
කලත් මම
ඔබ නැත මට
කලේ ආදරය

May 29, 2011

අහිමි පෙම

බඹරෙකුට අහිමිනම් මලේ රොන් උරන්නට
විහඟුන්ට අහිමිනම් නිල් අහසෙ පියබන්න
සඳවතට අහිමිනම් වලාකුලු සිප ගන්න
නුඹෙ සෙනෙහෙ අහිමිනම් පෙම් බැන්ද මගෙ සිතට
කඳුලකට අවසරයි නෙතු අගින් ගිලිහෙන්න....

May 28, 2011

Niට..

Niශ්චිත නොවූ Niමේෂයක
Niශ්චලව Niහඬව නොකඩවා
Niදිවර්ජිතව Niශාචරව බැදි පෙමට,
Niසැකව දිනක ලැබේ යයි සිතුවද
පිළිතුර.,
නැත..!
Niයත වශයෙන්ම මා Niහඬය...!

May 27, 2011

කවියෝ

වලකි, පෙල ගැසෙති "කොලු" රස රහස් සොයා
නළුවෙකි, වට බැඳෙති "කෙලි" පෙම් පහස් අයා
කොටයකි, මිතුරු වෙති "දන" ලඟ නමමු කියා
හිඩැසකි, කවි කොටති "කිවි" සිත් පිරෙන නියා

May 26, 2011

හීනය.....

සුසුම් ගත නොවදින දුරක හිද
පෙමට ඇයි අවලාද සැහැසිව
දෙඇස සේ නුඹ වටින හින්දම
තාම තනියම හිත රිදෝගෙන

May 25, 2011

නුඹ...

කදුළු
වියලූ
සිනහා
සැගවූ
මහද
රිදවූ
දුරක
ගියපූ
නුඹ,

මම
හුගක්
ආදරේ
කරපූ...

May 24, 2011

මල් කැඩීම

ගිරගට වැදි
දුරකථන කුළුණක්
සඳු හා පෙමින්
හාදු පිට හාදු දෙන
ගිගුරුම් රැයක්

May 23, 2011

අහිංසක පෙම්වතා

නුඹේ සිනාවට
පෙම් කරපු මාව
දාලා යන්නේ
ඇයි අතර මග

මගේ ආදරය
කෝලමකට ගත්තද
මම නොවේ එය
විසිකරන්නේ

මළ කදක් වැනි
මගේ හදවත
නැවත වරක් ඔබට
මරා දැමිය නොහැක

May 22, 2011

මහිත් මිදුල
අමදින සද
මැකී ගිය
පා සටහන
ඔබ

May 21, 2011

♫සරම♫

වැස්සට
තෙමෙනඔලුවට...
"අඩියක්"
දැම්ම විට
කැහැපොට..
කුඹුරට
අමුඩයට...
අහො...
ඇහැරුණු විට
ඇඳ යට..!!!

May 20, 2011

මියැදෙනවා මමත් දවසින් දවසට...

හිත පුරා පිරී ගිය ආදරෙන්
මම එදා නුඹට දුන් රෝස මල
වෙලීලා ගිහින් අද
අමතක වෙලා නුඹට
මගෙ ආදරෙත්
මං දුන්න රෝස මලත්
මියැදෙනවා
මම දුන්න රෝස මල වාගේම
මමත් දවසින් දවසට.

May 19, 2011

හේලි ට

මිණි පරයමින් දිදුලන
කෙලක් තරුන් පිපි ගගනත
බාවකුත් එල්ලාන එළි දිලෙන
කොහේ යන්නෙද හේලී මේ උඹ ?

May 18, 2011

පායන විට සද සිසිලයි හැම රෑම
ඉන්නා විට නුඹ එලියයි සිත ගාව
හමනා විට මල් සුවදක් නොකියාම
නුඹට හොරෙන් මම ඉන්නෙ නුඹ ගාව

May 17, 2011

ගිනි කොපමණ
රන්වන් ද
ඇවිළෙන විට
අනුන් ගෙතුළ

May 16, 2011

3 වීල්

ගෑහෑනුන්
උපයාගෙන එනතුරු
උපයාගන්න පොරකන
හන්දීයේ තරුණ ශ්‍රමය

May 15, 2011

නුඹ

හිරුගේ රශ්මියෙන්
එළිය දෙන
සද මෙනි
නූඹ

May 14, 2011

ඉරණම

තණා'ග දිදුලන
තුෂර බිඳකි උදැහැන
හිරුට අතවනන
ඔහුගෙ හැටි නොමදැන

May 13, 2011

ප්‍රේමයේ ප්‍රතිඵල

අහෝ ප්‍රේමය
නුඹ මට කල හදිය !
මා බේබද්දකු කරවා,
පසුව කවියකු කරවු නුඹ
මා මහණකු කරන්න හදන්නේ
බොට පිස්සුද ?

May 12, 2011

හෙට?

පිපුණු මහනෙල්
සුවඳ මනකල්
දැනී ඇතිවෙන
දවස එනකල්....

May 11, 2011

ඇය
මා මෙන් සිනාසෙයි ද
තරු කැත බව
ඔහු කී විට

May 10, 2011

නුඹ සහා නුඹේ පෙම

සිතත් පෙම් කල මමත් පෙම් කල
නුබේ සෙනෙහස මහ මෙරයි
ලොවම මට නැති දිනක මවෙතට
ආව නුඹ හරි පෙම්බරයි
ඔහුට පෙම් කර පාරගත් සිත
සැනසුනේ නුඹේ පෙම නිසයි
හුදකලා මගේ හිත පුරා දැන්
ඉන්නේ නුඹ සහා නුඹේ පෙමයි

May 9, 2011

නොඑන ගමන් ගිය මිතුරා...

එක පැන්සල දෙකට කඩා අකුරු නොකෙරුවාට...
එකට සෙට්වී කරට අතදා නොසිටියාට...
නුඹ යළි නොයෙන බව ඇසුවාම...
දැනුනා දුකක් ගලපා ගත නොහැකි ලෙස...

May 8, 2011

පව් කාරයා

නූපන් දරුවන්
මිලියනයක් පමණ
දියේ ගිල්වා මරා දැමූ
මම පව් කාරයෙක් ද?

May 7, 2011

කුළුගෙඩියක් ගල අමතයි....

මම උඹව කඩද්දි,
මට රිදෙන්නෙ තරම් උඹට රිදෙන්නෙ නෑ.

May 6, 2011

රහස
හරි උනුසුම්
අතින් අතට
මාරු වීලා ම

May 5, 2011

තිළිණයක්

දෑත ගුලිකර
දෑතේ තබනෙමි
නොඅරින්න,
මා දුරක යන තෙක්...
නුඹත් මා මෙන්
නොකී පැතුමක්
පුංචි සුසුමක
දැවටුවෙමි මම

May 4, 2011

නිල් නෙතඟින් හොරෑහින් බලනා බැල්මයි
රත් දෙතොලින් හැඩ කරනා සිනහා පොදයි
මිහිරි මුවින් හඬ නඟනා කටකාර කමයි
ආදර සෙනහස් කෑදල්ලේ කුමරි ඔබයි

May 3, 2011

පිරුණු-නොපිරුණු

පිරුණු බව
සිතා සිටියෙමි
නුඹ ඇවිත්
සිතේ හිස්තැන්
පෙන්වන තුරු...

May 2, 2011

සියදිවි නසාගැනීම

රැයක් නිදිවරා හි‍ද එනතුරා මග රැක
මැරූවෙමි එක් කඩුසරින්
ඇය‍ට පෙම් කල මා

May 1, 2011

කඳුළු සිතුවම

රෑ උපන් කඳුළු බිඳු
නුඹ ලයෙහි හොවමි මම
ඇඟිලි තුඩගින් කඳුළු
සිතුවමක් අඳියි නුඹ

April 30, 2011

දත

මොන කරුමයක්ද ?
මෙච්චර රිදෙද්දිත්
හිත හදා ගන්න බැරි
ගලවල දාන්න.

April 29, 2011

වෙනස්

කන්දකට පෙම් බැන්ද
එකම එක වළාවක්
නවතින්නේ කෙසේදැයි
සිතයි මහා වෙලාවක්

April 28, 2011

කඳුල

ඉකිබිඳින තාරුකා
කැදැල්ලෙන් ගිලිහිලා
මගේ කම්මුල් පුරා
සීරුවට තැවරුනා...

April 27, 2011

යාත්‍රා

හීන තොටුපොළ
වෙතට පාවෙමි
සුසුම් පවනින්
රුවල් පුම්බමි
මඟ කියන්නට
නැකත් තරුවක්
සදිසි දෙනෙතක්
දුරින් හඳුනමි

April 26, 2011

නිම්නෙත්

පිණි වැටී දිලුන
වතුසුදු මල
උදැසනම නෙලා ගතිමි...

මිතුරෙකු අත
එ මල තබා
පන්සල් බිම අතහැර යමි...

April 25, 2011

දිනීම

කඳු පල්ලම් ඳිරච්ච ලණු
වැටෙන්නෙපා වැටෙනෙනපා
සටන් පිටිය ඔබ අභියස
දිනාගෙනම යන්න අනේ...........

April 24, 2011

පොත

පරණ පොත
උඹට හිතුන හිතුන වෙලාවට
කොළ ඉරල විසි කරන
පොත ඉවර වුනදාට??

April 23, 2011

පෙම හා දුක

හිතක් ඇත
එහි
නිමක් නැති
පෙමක් ඇත....
පෙමක් ඇත
එහි
නිමක් නැති
දුකක් ඇත...

April 22, 2011

සිත ගිය තැන...

දුරින් ඉනු දැක සිතින් පෙම් බැදි
වදන් ඈ මගෙ ගොළුකලා
හිතින් නැතිමුත් ගතින් අද මම
වෙනින් හදකට පෙම්කලා...

April 21, 2011

ජල සක

ගගන තෙක් විහිදුනු
ගිරග හිස් ගෙඩි
වලාකුළු සොවෙන් බරකොට
කඳුලු වැසි වටති පොලොවට

April 19, 2011

බණ

සුපින්වතුනි ;
උකැටලී නොවුන මනාය
සෝදන්නන් අතින්මය
බිඳෙනුයේ
බන්දේසි
එක දෙක......

April 18, 2011

සිත ගිය තැන...

දුරින් ඉනු දැක සිතින් පෙම් බැදි
වදන් ඈ මගෙ ගොළුකලා
හිතින් නැතිමුත් ගතින් අද මම
වෙනින් හදකට පෙම්කලා...

April 17, 2011

සඳ

ඝණදුර ගිලගත් ආකහේ
තුරුන් රොත්තට මැදිව
පෙම් කෙළිත්
මඳු සඳ

April 16, 2011

පුංචි සමනලියට

හිත රැදුනු පුංචි සමනලියක්
තටු සිදෙන්නට නොදී
ආදරෙන්
ලඟට ගන්නට
සැරසෙද්දී...
අනේ මේ සුලඟ,
එහෙත් කම්නැත
ඇය සුල‍ඟේ
පහස විදී නම්...

April 15, 2011

අරා මා සිත
පුරා පෙම් කවි
පටලලා

සරා සද කිම
නිදනු අද දින
වලාකුළු යට
සැගවිලා

April 14, 2011

ආදරේ කරන කෙනා දිහා බලන්න එපා !

දාලා යන්න හදන්නේ ආයි නොඑන්නම නම්
ආදරේ කරන කෙනා දිහා බලන්න එපා !
ඒක දුකක් වෙන්නේ දාලා යන කෙනාට නෙමේ
තනි වෙන කෙනාට

April 13, 2011

වෙරළ වෙත සපැමිණෙන රළ පෙල
මකනු දැක මග සලකුණු
එකම තැන දහ දොලොස්වර යයි
අතින් ගෙන වෙන පෙම්බරූ

ඉසනිකට වැවු මහල්ලන් වෙති
තැනින් තැන මධුවිත බිවූ
රලට දොස් නගමින් හඩති උන්
පෙරදි එකකට පෙම් කෙරූ...

April 12, 2011

ඈ දෙතොල...

බැලුවෙමි චිත්තර පටියක් නිදිමත හින්දා...
සිටියා ජොලී මාගේ නෙත සිත පිනවා...
ඉවර උනත් පැයකුත් අඩකුත් මන දොල සපුරා...
මතක එකම දේ ඈ දෙතොලයි කිසිදා අමතක නොවෙනා..

April 11, 2011

හදනු බැරි බව දැනගතිමි මම
විදිමි කළ ‍ඒ සියල්ලක්
වැරැද්දක් නෙමෙයි එය මගෙ
සංසාර ගත පුරුද්දක්

April 10, 2011

මිනුම

උනුනට හිතෙන හැටියට
ලඟින් දුරින් උස් මිටියට
ලකුණු කර ඉරි කෑලි
කිරණ මනින

ps: මිනුම = scale

April 9, 2011

මීට සිව් වසරකට ඉහතදි
මගෙ අතින් වුණ වැරැද්දක්
හදන්නට යන විටදි ඇයි මේ
නුඹ ගැනම මට පෙරැත්තක්

April 8, 2011

මට ඕනෙ මම

හැමෝටම ඕනෙ
මාව කැඩපත
කරගන්න....

April 7, 2011

සද නේන දා කවිත්
ලියවෙන්නෙ මා අතින්
ගියදාක නුඹ ඇවිත්
පසු දාට සිහිනෙකින්

April 6, 2011

දෙවිවරුනි
කල් ඇතුව
පහන් එළි
දල්වන්න.
හිල් හැදුණු
අහස මත
තරු ලෙසින්
බබළන්න!

April 5, 2011

දගකරන පෙම් කදුළු රළ පෙල
නිබදවම සිත පෙලන කවි පෙල
හැර දමා මොහොතකට දුක් විල
සතුටු වෙමි මම එක්ව මිතු කැල

April 4, 2011

මගේ භූමිය
ලකුණු කරගමි
ප්‍රේමයේ
කහවණු වලින්.
...
මිලට ගැන්මට
ඔබට නොහැකිය
වැඩි මිලට
විකුණන හෙයින්!

April 3, 2011

ආඳා මාළු.....

මගෙන් ගිලිහිලා යන
ඇගේ ආදරේ
නවත්ත ගන්න
පුළුවන් නම්
කනවා
මං
ආඳා මාළු
ඉරට්ටෙන්......

April 2, 2011

අන්තිමම වැහි බිඳත්
හැලීගිය පසු
පුරවන්න හිස් බඳුන්
හිතන එක බොරු!

April 1, 2011

Magic Carpet

මතක නැත
බුමුතුරුණ පණගන්න
මතුරන්න,
මම කොහොම
පියඹන්නේ පාසලට
උගණින්න.
.
ඒස්වාහ් පුහ් [මම තාම එතන ම]

March 31, 2011

හරියන්නට යයි උපදෙස් දුන් උං
හරිගියොත් ඉදීවිය බං
බැරිවෙලාවත් වැරදුනොත් නං
උං නැත උඹම පමනකි උඹට බං

March 30, 2011

නුඹ

අත් රැඳි
සුවඳ කුසුම
නුඹ
ලඟ තිබූ කල
සුවඳ
නොදැනුන

March 21, 2011

නුඹ පිරී ද මගෙන්...?

මා පුරවා දමා ද?
නුඹේ අස්ථාන සියල්ල
දැන් කවියක්වත්
නැත්තේ නුඹෙන්..

March 19, 2011

බලාපොරොත්තුව

දෙලොවක් අතරේ වල්මත් වූ මම
තුන්වෙන් ලෝකෙට පියමනිමී

March 18, 2011

බලාපොරොත්තු....
පිපෙන පරවෙන
පයට පෑගෙන
නැවත උපදින
සිහින තැවරුන
බලාපොරොත්තු...

March 17, 2011

කොට්ට

පුලුන් කොට්ටයක්
හෙව්ව මට
සිමෙන්ති
කොට්ටයක්.....!!!

[බදාගෙන නිදාගන්න බැරිවුනත් මනා ගෙයක් හදාගන්න පුලුවන් නොවැ...!!]

March 16, 2011

ජීවිතේ කොතෙක් පි‍ටු පෙරලුනද
සිත් වලට වැටකඩොළු ලනු නොහැක
බොහෝ කල් නිදාගත් ගිනි කඳුද
කෙදින හෝ පුපුරුවා හැලෙනු ඇත...

March 15, 2011

කත

කළුවර
කනිසමට
කනට
කන්ක
ළු
කථාව
පොරවක් ගෙන එන්න
කපා දමනු පිණිස
පලක් නැති
නියපොත්ත!

March 14, 2011

තට්‍ටු ගෙවල් වල
බ්‍රොයිලර් ජීවිත
වැලි නොපෑගෙන
හැමදාම
එකම විදිහට...
මම තරු
අතරින්
නොමැරුණු
තරුවක්
සොයමි...

[තරු මැරිලත් සෑහෙන කාලයක් පෙනෙනවා නොවැ...!!]

March 13, 2011

ප්‍රාදේශිය සභා මන්ත්‍රීවරියට

මේකප් දමා හැඩ වෙමිනා සිටිය ළඳේ
ජීන්ස් දමා පුෂප් එකට ටොපට ටොපේ
සාරි ඇඳන් පොඩි මුඩුක්කු කාණු කටේ
හිනාවෙයන් මනාප පුරවාන වටේ

වලක් දැක්කොත් ගෙම්බෙක්!

කල දුටු කළ
වල ඉහ ගැනීමට සිතා
මම වල අසලට ගියෙමි
මළ කෙලියකි
වල අරක් ගත් තඩි ගෙබ්බෙකි!

March 12, 2011

ඉක්මනට
කවුරුහරි
පහනක් දල්වනවද?
සොයා ගන්න තුරු
මගේ පහන!

හාදු වැසි

නොනිමි මුදු හාදු වැසි
දෙතොල් අග සුව රසසි
පිණිති ඉහිරුණු විලසි
හද තඹර පිපි සරසි

March 11, 2011

අතු අත් නමා
සිප වැළඳ ගන්නට බැරිවුනත්
සැඬ හිරුගෙ හෙවණැලි අවුරනා
නුඹ මහා පවුරක්
සෙනෙහසින්සෙවණක් සාදනා
නුඹ වනස්පතියක්..

හදිස්සිය

විද්දෙ
පදුරට..
වැදුනෙ..
හාවට..

දැන් ඉතින්
හාමස්..
කාපන්කො..!!!

[හපොයි මගෙ සිල්පදය..!!]

March 10, 2011

අතර මග නතර වුන සුළඟට
අතවනා එන්න යැයි සන්කර
හදවතේ අඳුරු කුටියක් ඇර
පහන් දල්වන්න අවසර මට!
සිතුම් වැල් එකින් එක
ගලා එන සිත් ඉමේ
තනිවෙලා ඉන්නවා
මං මගේ පාඩුවේ

March 9, 2011

නුඹමය

අහස නුඹ මෙනි අද
නපුරු වී මහා වැස්සක
ඒත් සුළඟත් නුඹමය
හිමින් උණුහුම අයදින

March 8, 2011

රෑ පුරා
මල් හීන අතුරමි.
උදෑසන
වවුල් හප ඇහිඳිමි!

සපත්තුව

ගන්නකොට
හරි ගාන..
"පිට්වුනා"
කකුලට..

දැන් හරියට
හිරයිනෙ..
මාරුකරල බලමු
වම් කකුල
දකුනට..
දකුනු කකුල
වමට...!!

[ආදරෙ අන්ධයි නොවැ....!!]

March 7, 2011

අනුන්ගේ හඬ

හොඳින් සුසර කර ගත්
අනුන්ගේ ප්‍රේමය
සැගවිය හැකිද
නින්නාද දෙන විටත්
ඉතා මිහිරිව
නවතින්නට හැකිනම් සදහට
ඉඩතිබේ
නාඳුනන්නියකට වුවද
මගේ හද තුල

March 6, 2011

ගණිකාවගේ මධුසමය

බුදියෑවේ
හැමදාම
එකට

නිදියන්න
දෙනවද
අදවත්

"තනියම..?"

සූරියකාන්ත

හිරු යන එන අත

නිතරම සෙව්වත්

නුඹ ගැන හිරු නම්

නොදනී කිසිවක්

March 5, 2011

තුත්තිරි ගහක්

ඔබ
කොපමණ
උස වුවද
මම
මුලින් ඉදිරී හෝ
පැමිණ
එකම වරක්
ඔබ සිඹිමි

නිර්වචනය

හිමිකමක් ගැන නොතැවෙන
කිසිත් ආපිට නොපතන
සිත උපන් දේ සඟවන
නිතර මැරුණත් උපදින

March 4, 2011

පිපී හිනැහෙන
මල් ඉත්තේ
පර මලක්
අන් මල් සමගම
හැනැහෙන්නට
වෙර දැරුවා
ඉක්මනට
කවුරුහරි
පහනක් දල්වනවද?
සොයා ගන්න තුරු
මම
මගේ පහන!

March 3, 2011

සැඟවුණු සඳ

මල් කිණිති සිඹී සඳ
ලොව නිදි මේ රෑයම
තුරු මුදුන් අසල නැවතී
මුදු මුවරද සුවඳක
සිත ඔකඳ වෙලා අද
අහසට යන්නට නොරිසී

එදා සහ අද

එදවස
ප්‍රාර්ථනාවේ
වසන්තය විය
මෙදවස
බිඳුණු පැතුමේ
ශීත ඍතුවය

March 2, 2011

කැමති අකමැති

තටු නැති බව දැන දැන
ඉබ්බියන්ගෙන්
තටු ඉල්ලා
අඩති ඉබ්බෝ...

March 1, 2011

♪♪♪ ජොආනා...

ඇයත් පෙම්වතියකි... බිඳී ගිය ඉරාකයේ...
කුර්දි ජාතිකයෙකි... සුලෙයිමාන් දේශයේ...
සටන් කාමිනියකි... පෙෂ්මර්ගා ජීවිතයේ...
එහෙත් පෙම්වතියකි... මාගේත් විජිතයේ...
අතීතය සොයා යන
බොහෝ අය
යළි නොඑති
එහි ගිලෙති!

February 28, 2011

වේදනාව in sudden

සමාවට කලින්
ප්‍රේමයට ඉහලින්
අපිටත් තිබුණා
කාලයක්
හිටපු එකට ම
වෙමින් මිතුරන්

එනතුරු

එක වරම එලිය දි
සඳුට නතු වි ගියද
බලාගෙන ඉදිමි මම
යලිත් එනතුරා ඔබ

February 27, 2011

එපා මට එපා

ආයෙමත් ඇවිත් නුඹ
රිද්දනවා හැම රැක
කළුවරම උරුම මට
එපා උඹේ සඳ එළිය

කුප්පි ලාම්පුව

මවයි එළි
සිනහ මල්
හිඳෙන තුරු
භූමි තෙල්

February 26, 2011

මුහුණට මුහුණ
සටනින්ද
පණ එපා කියා
දිවුමෙන්ද
ජය ගත හැක
ජීවිතය...!

සඳට බැඳි පෙම

සඳ හිනැහී තිබෙන සඳ
සඳෙන් ඔබව දකින සඳ
සඳට බැඳිපෙම සිහිවන සඳ
හදට සුසුමක් දී ගියා මගේ සඳ...

February 25, 2011

උඩ ගෙඩි

බිම වැටුණු ගෙඩි දෙති
ගෙඩි නැති ගහට
උඩගෙඩි
දැක
ගහක් උඩ ගෙඩි
කන්ද....
ගස් වලට වඩා උස්.
කන්ද මුදුනෙ ගස්
කන්දට වඩා උස්!

February 24, 2011

නොලැබීම

අහස කිසිදා ලං නොවෙනු ඇත
පොලව මත මල් පොකුරු පිපුනත්
නුඹව කිසිදා මගේ නොවනු ඇත
හින කොච්චර මැවුවත්

Tagging

චිත්‍ර ගොඩක් ඇන්දට ටැග් කරන්නෙපා
ලස්සන කවි ලිව්වට ටැග් කරන්නෙපා
හතර වටේ ගන්න ෆොටෝ ටැගින් එපා
ඇවිත් බලලා කියන අගය වහන්නෙපා

February 23, 2011

වාදය

උඹ ජාති වාදියෙකි.....
මම ජාතික වාදියෙක්මි.
අප දෙදෙනා අතර ඇත්තේ
එකම එක "ක"යන්නක වෙනසක් පමණි..

මිණි කවි - කවි මිණි

මං ලියපු ගොඩක් කවි
පොතක් තුළ තියෙනවා
එකින් එක හෙමි හෙමින්
හෙට ඉදන් එවනවා

February 22, 2011

දොරක්...!
කොයිතරම් බලවත්ද
ලොවෙන් සැඟවිය හැකි
ලොවට හෙලිකල හැකි
ගෙයක් !

කල් ගෙවී...

මල් සුවඳ නවතන්න
දෝතකින් පුළුවන්ද?
කල්පයක් ගත වුනොත්
කඩුපුලක් නොපිපේද?
රැල් නැඟී ගලන ගඟ
නිදි දිනක් කවදාද ?
කල් ගෙවී සැඟවුණත්
නුඹ සිතෙන් ගිලිහෙයිද?

February 21, 2011

♠බෝක්කුව♠

එනවා යැයි
පොල්ල තිවු..
විට..

තනි නොතනියට
කකුල් කෙටිය
රිදෙනවිට..

පිහිට වූ
නුඹ..!!

සල්ලිද මනුස්සකමද

අපිට
රුපියලක් මදිවු විට
මනුස්සකමද
අපෙන්
රුපියලක් මදිවු විට
ඇනුම් පදද
සිහි වන්නේ
බස් කොන්දාටය....

February 20, 2011

මැහැල්ලක්
තරුණ මවක්
ළදරුවෙක්
නොබි‍ඳෙන
තුන් ඈඳුතු
පෙම් පුවතක්

ලයිසන්

ආදම්ට
මොකටද ලයිසන්
දෙයියන්ගෙ උයනේ
ගස් කපන්න

February 19, 2011

කංසා සුවඳමය..

කංසා සුවඳමය
පෙනහළු බර වැඩිය
දෙනුවන් අඩපණය
සිතුවිලි දිග වැඩිය..
අහසෙ ඉඩ මදිකොට
වලාකුළු ටික පනී කන්දට
කන්ද කරබාගෙන
කඳුළු ඇළි අතහරී පොළොවට!

February 18, 2011

නූතන ගම්වැසියා

මම ගමේ උන්ව
දැනං ඉන්න තිබුණ
අඩුගානෙ උන් හැමෝම
ෆේස්බුක් හිටිය නම්
කුරිරු
ඔහු
හා
නපුරු
ඇය
අතර
තැලෙන..
අහින්සක
ප්රෙමය..!!!

February 17, 2011

සදා මිතුරු

මිතුරු මධු බෝතලය
තුරුලු කර එක් අතින
කැටුව යමි Countryයට
මතක දියකෙරුමට

සුවඳ

දුර ඉඳන් එන පුරුදු සුවඳට
වසඟ වී සිත, දෙපා නැවතිණි
සුවඳ පමණයි...පවුරු අපමණ
සිහිව මොහොතක් හදම නැවතිණි

February 16, 2011

♪♪♪ තිත්ත මිදි...

තිත්ත යැයි මිදි ඒ නරියා කිව්වාට...
නැත මේ නරියාට හැඟුනේ එවැන්නක් එලෙසින...
එහෙත්...
පනින්නට හදන විට එම මිදි වල්ලට...
දැනුනෙමි නරි පැටියෙක් ලෙවකා ඇති සැටි දෙතුන්පළකින...
ඔබ ගැන
එක දවසක් දා
ඇතිවුණ පැහැදීම
ඉතිරි කා‍ලයේම
පශ්චාත්තාපයට
හේතු විය

February 15, 2011

සිත වල්මත්

ඔබ කොහොම හිතුවත්
ඇය තවම හිතවත්
ආදරය සිපගත්
සිත ඉතින් වල්මත්

සයොනාරාවනි,

බටහිර සුළඟට
ඔරොත්තුදේවි ද
උඹේ ඔය
සාම්ප්‍රදායික කිමෝනාව ?

February 14, 2011

වෙනස

මගේ ආදරය
MP3 කර එව්වාට
ඇසිය නොහැක ඔබට
ඔබේ හඳවත කියවන්නේ
MIDI ෆයිල විතරමය

ආදරය expired!

හිතුමතේ නිදහසේ
උඹ ආදරේ දක්වනකොට
හිතුණේ නෑ
ඒ ආදරේට
කල් ඉකුත්වන දිනයක්
ඇති බව...

February 13, 2011

මහ පවුරු වැනි
පෙර්ම අබියස
මගෙ පෙම වැලි
ගොඩක් පමණය..

අහස තරමට
පෙම් "කලද?" මම
නුඹට තව එය
"එකක්" පමණය..

ඇත්තමයි....සිතුවිලි

කෙනෙක් පැමිනෙයි
කෙනෙක් පිටවෙයි
කෙනෙක් තනිවෙයි
කෙනෙක් හමුවෙයි

February 12, 2011

පාළුව

නිතරම ළඟ ඇති
පාළුව නුඹ සකි
නුඹ නැති දිනයක
මගේ ලොව සැණකෙළි

ඔබේ ආදරේ...

හිතුණාම මගේ දිහාවට විසි කරන
අල්ල ගන්න හදනකොට ආයෙත් ඇදල මගෙන් අහකට ගන්න
ලස්සනම ලස්සන
යෝ-යෝ එකක් වගේ...

February 11, 2011

දෙමු සවන

සයිබරයේ අපි කවුරුත් කතාවෙන
ඉලංදාරි අයියාගේ කතාවට
සවන් යොමු කරමු කවියනි ඉක්මනට
කවියන් එක් වෙලා සවනත දෙමු ඔහුට

ඉර

පායා එන ඉර
බැස යන
බෙදා අඳින ඉර
මැකී නොයන

February 10, 2011

ඒ සැන්දෑවේ
රතු වලාකුළු
බටහිර අහස පිරෙන්නම...

ඔබ නැතුව
තනියෙන්ම
මං ඔහේ ඇවිදගෙන...

පාලු ගෙදර
දොර අරිද්දී
රතු වලාකුළක් ඇස්වල...
මෙරුවෝ
ඔච්චරම ලස්සනද?
ජීවිතය
බිලිගන්නට දඟලන
පහන් සිල

February 9, 2011

අමතක පාඩම

උගත් පාඩම
අමතක ව
කපුටු කැදැල්ලෙ ම
බිජුලාන
කොහෝහාමි

ඉනාව සහ හිනාව...

වසාගෙන මුව මඩල කළු වලාවක් ලෙස
දවාගෙන දිවියම අළු යට ගිනි පුපුරු ලෙස
වවාගෙන කන එවුන් පෙන්වයි සුර ලොවක් ලෙස
ඉනාව ඉවර උන දවසට හිනාවෙයන් පෙර ලෙස

February 8, 2011

තවත් වැස්සක

දියකඩිති මත පාවෙනා
මල් පියලි මේ හිනැහෙනා
අනේ දන්නේද
තවත් වැස්සක
දියබත්ව නුඹ සැඟවෙනා..!
කාටදෝ ආදරේ කරලා
කගේදෝ ආදරේ ලබලා
කාවදෝ මැරි කරලා
උඩ බලන් මැරිලා යන මගේ ජීවිතේ

February 7, 2011

පොකුණු ජලයෙන්
තම මුහුණ දුටු
තරහ ගිය කපුටෙක්.
"මේ ජරා කොකත් නැති තැනක් නෑ."

.....කඳුල නුඹ.....

ඔබගැන සෙනෙහස් මතකය රිදවයි
දෑසේ මේ හැටි කඳුලැලි ඒකයි

February 6, 2011

අර බලන්න අහස
පොළොවේ
මල් පරදවන්න
අහසෙත්
රෑ මල් පිපිලා

ඉක්මනට කතා කරපන්...

මං බලාන උන්නා
උඹ කතා කරයි කියලා....
ළඟට එනකොට ඈතට යන
පුපුරන ඇස් දෙක දිහා මං බලාන උන්නා
උඹ කතා කරයි කියලා
ඒත් තාමත් උඹ කතා කරයි කියලා
ඒත් තාම නෑ.....
පුළුවන් නම් ඉක්මනට කතා කරපන්
බලාන ඉදලම මට දැන් ඇතිවෙලා

February 5, 2011

ගිරා

මම
ගිරා පෝතක
ඔහේ දොඩවන
ඔබ ගැනම

♪♪♪ අවුරෝරා සිහිනය...

යන්නට ඇත්නම් මටත් අවුරෝරාවට...
හමුවන්න ග්ලැඩියා ඩැල්මරීව...
අල්ලාගෙන ඇගේ සුසිනිඳු දෑත...
ඇවිදින්නට නිරුවත් හිරු මඬල මත...

February 4, 2011

බොරුකාරි

උඹ බොරු කරන කොට
ඒවා මට අහු වෙන කොට
මං ඒවා අහන කොට
උඹට උත්තර නැති කොට
හීන් සීරුවේ මග හරින කොට
නොබැන තියේවිද මගේ කට
කෙම් බිමක මා
පිපාසව
කතර මැද ඔබ
සංසිඳී !

February 3, 2011

අඳුර ගැලුවත්...

අඳුර ගලා ඇවිත්
මගෙ කුටියට
ඒත්
හදවත දිලෙයි
ඔබ නිසා

බබාලා දකින ගෑණු

හානේ...
ලස්සන බබාලා
වඩාගනිති
කැත බබාලා
අඬති

February 2, 2011

(සෑබෑ) ආදරය...

දුටුවා සිනාවක් මින් පෙර නුදුටු...
පැතුවා ආදරයක් මින් පෙර නොලැබු...
ලැබුවා සෙනෙහසක් මින් පෙර නොවිදු...
පිදුවා ජිවිතයක් මින් පෙර නොපිදු...

අනංගයා

ලයික් දදා පස්සෙන් විත් මාරයි ඔබ කියාවි
වයස ගියත් පේන්නෙ නෑ සෙක්සි ලුකින් කියාවි
කොල්ලෙක් හිටියත් කම් නැත ආදරේද අසාවි
හඳුනාගෙන අනංගයන් ජීවත් වෙනු ප්‍රියාවි

February 1, 2011

♪♪♪ පෙම් බැඳි විභාගය

විභාගය කෙළවේයැයි බියෙන්...
ඇසුවෙමි විරාමයකට මාගේ සොඳුරියගෙන්...
අදි මදි කර කැමතිවූ ලෙසින්...
නැත සිතුවේ පැනයයි කියා මාගේ මිතුරත් සමඟින්...

ප්‍රයෝජන

ගිටාරයක් ඇත
බෙර ගසන්නට...
කොම්පියුටර් ඇත
ගේම් ගසන්නට..
ප්‍රිය බිරිඳක් ඇත
ළමයි හදන්නට...

January 31, 2011

....සිත....

බඳින බඳින තරමට
ලෙහෙන
ලිහන ලිහන තරමට
බැඳෙන.!

ආත්මාර්තකාමී සද

අදුරෙ ඇවිදිනු දැක දැකත්
අමාවක පුරහද නොවී
එලිය නොදෙන
අපූරුව

January 30, 2011

එතකොට මම?

මම ඔයාගෙ පාට සේරම
කලවම් කරන වතුර බින්දුව
එහෙම නැත්තං
පාට සේරම එකතු වෙලා හැදෙන
බලිකුරුටුව

කපල් පැකේජ්

කොල්ලන් විඳින දුක දිහා බලනකොට සිතේ...
හයියෝ...
නැති එක
දාහෙන් සම්පතකි...!

January 29, 2011

කවිය වේ අවිය

කවිය වේ අවිය
නොවී බැරි බැරිය
පුතෝ ගෙන දිරිය
ලියාපන් කවිය

මට නුඹ..

චින්තනයේ පරාර්ථකාමී සිතුවිල්ල
අහ් ! නෑ වැරදුනා
ආත්මාර්ථකාමිම සිතුවිල්ල

January 28, 2011

තේරවිල්ල

වැඩිවෙන වැඩිවෙන
සීයට
ගැලවෙන ගැලවෙන
රෙදි යාර

රීලෝඩ්

අයියෝ...
කුතුහලේ ඉවර වෙලා අප්පා...
රීලෝඩ් කරගන්න ඕන
ආදරය

එන්නෙම නැද්ද

එන්නෙ නැද්ද කවදාවත්
ඉන්විසිබල් නැතුව ඔන්ලයින්
ඔයාගෙ නම ඉස්සරැහින්
කොල පත්තුවෙනකන්
මන් ඉන්නෙ නිකන් බලන්

බලාපොරොත්තුව

කාත් කවුරුත් නැති දුර ඈත නගරයක...
බාගෙට හැදූ කොන්ක්‍රීට් කනුවකට හේත්තුවුනු බී.එස්.සී කාරයෙක්...
උපාධි සහතිකෙන් ඔළුව මුවා කරගෙන...
හූල්ලනව අහස දිහා බලාගෙන...
"කවදා නම් නවතීවිද මේ වැස්ස.. !!"

January 27, 2011

A/C බස්

හප්පා..
මේ මුළු දෙකේ
පල් ගඳ!

2011 කැලැන්ඩරය

ඊළඟ අවුරුද්දෙදිත්
උඹ වෙනස් නොවුණාට
ෂුවර් එකට
මාව වෙනස් කරපන්
උඹට දිනේට වැඩ කරන්න

යුරේකා!

යුරේකා! යුරේකා!
සොයා ගත්තා
අඳුරේ වේගය
ඔබ- මා- හැර- ගිය- දින!

හැරයාම...

හැරගත් දෙනෙතින් ගලනා කඳුලින්
ඔබ යන මාවත ‍නොපෙනී යයි
නැවතත් මා නෙතු පිසදා බැලුමුත්
ඔබත් මාත් දැන් දුර ඈතයි

January 26, 2011

උගුරුත් වේලිලා

මේ පරදේසක්කාරයන්ට
බැනලා උගුරුත් වේලිලා
යමං නාසි එකක් කාලා
බියර් එකක් ගහන්න.

බාලගිරිදෝසය !

අද නැතිව
හෙට එතැයි සිතන
නුඹ තාමත්
සොයමි මම
මරු කතරක
දියපොදක් ලෙස..

ඔබ

'මට සීතලයි' පැවසූ විට
දුරක සිට මා උණුසුම් කළ හැටි
මතකය අද මෙන් මා හට.....

ඉවසීම

වැහිබරව වැහි කඳුළු නොහෙලා
දුක් විඳින මේ නුබ තලේ
ඉවසීම හුරු කරන් වත් දෝ
ලොවම දෙන ඔවදන වගේ

January 25, 2011

අකැප ආදරය

අහපන් ආදරය
එන්න එපා
නුඹ හිතට
හිත අකැපයි
උඹට

නෙතඟ සිනහවකින්
මා හිරිවට්ටා
එලිපෙහිලි කල පපුවේ
කැටයම් කොටයි ඈ...

අපි...?

ජීවත් වෙන්නට

කන එවුන්ද ?

කන්නට

ජීවත් වන එවුන්ද ?

ටෙලිෆෝන් බූත්

වැටෙන කාසියේ
බර ඇතිතුරු දොඩවන
කේබලයක් කෙළවර
වීදුරු කුටි
තැනින් තැන

January 24, 2011

ගිලිහෙන්න ලං ළංවූ
මලක් වුව
සිහිල් සුළඟකට
දොර වසනු නැත!

ආත්ම ශක්තිය

අඳුරේ අතපත ගා
අසීරුවෙන්
සොයා ගත් විගස
මගෙන් උදුරාගෙන
නැවත අඳුරටම
විසිකලහ
ඔවුහු
එය

පොදු හතුරෝ

එක්ව ඉන්නවුන්
ඉවසන්න බැරිව
සෙමෙන් බිඳලන්න
සීනි තවරා විස කවති

පිවිතුරු ද?

උඹ නැතුව
පසු තැවෙන
ප්‍රීතිමත්
මගෙ මුහුණ
දුටුව ඇය
කොපුල් සිඹ
පලකලා
ආදරය

January 23, 2011

උවමනා කර තිබේ...

මගේ
(මි/හ)තුරන්ට
ගැලපෙන
වෙස් මූණක්

මට
හැංගෙන්න
බිත්තර කට්ටක්...

අහේතුව

හිතට මොකක්ද වගේලු
ඇයිද කියා දන්නෙ නැතිලු
ඉතිං ඇත්තට මට කියන්නේ...?
මම කොහොමද දන්නෙ
හේතුව?

අද කාලෙ පෙම්වත්තු..

ඔන්න වැහි කාලෙ ආවා
දැන් ඉතින්...
පොළව අස්සේ හැංඟිලා හිටපු
මෙරුවො තටු ඇවිත් ඉගිලෙයි
උන් ඉතින්...
අද ඉඳියි.. හෙට මැරිලා යයි..

පුරුදු

පුංචි සතුටට ඉඩක් දුන්නොත්
හදේ මුල් අදිනා නිසා
මුලින් උපුටා ඉවතලූයෙමි
දුක පුරුදු හද ගැන සිතා

January 22, 2011

සාපය

වියැකෙමින්
මතුවෙමින්
දුකම මා
වැනසූ කල
මරණයට හඬ ගසා
දෙනෙත් පියා ගන්නවා හැර
මන්දස්මිත් වැගිරෙන
දෑසකට
කුමට නම් තව
කවි ගොතන්නද.....

(අ)ස්වභාවික මරණය

අදද? හෙටද?
නැත්නම්,
මේ මොහොතේද?
නොසිතු නිමේෂයක...
නියතව හිමිවන,
(අ)ස්වභාවික ත්‍යාගය...

විබාගේ

ගිරවටත්
කෙල්ලෝ ලොකු වුනා‍
එහෙනම්
බලමුකෝ

බොට්ටුව

ගග දිය දෙබෑ කරගෙන..
නෙළුම් පෙති පොඩි කරන්...
ආවොතින් මෝටර් බොට්ටුවක්
මම... ඒකේ නැගල යනවා....
අනෝතත්ත විලට.....
ඌ.....යි....පෑගුණ නේද... කොහිල නටුවක්......

January 21, 2011

පුරවමි

ඉඳහිට දී නුඹෙන් ලද
සතුට තේ හන්දකින්
පුරවමී,
නුඹ නිසා ළය පැලී
හෑරෙනා ආවාට

ගලිවරය

හිතුනෙ නෑ
සිහිනෙකුදු
දිවිතුරු,
විසාලැයි තොප
මෙලෙස බියකරු
හිතුනෙ නෑ
සිහිනෙකුදු
දිවිතුරු
අඟුටු යැයි තොප
මෙලෙස පියකරු

සීතලෙන් මි‍යැදෙන තනිකම

සීතලෙන් මියැදීමට
මමත්, මගේ තනිකමත්
හෙට පාන්දරින්
ගමට යන්නේමු !

උඹ ඌ හා මම

ඌත් ගියා..
උඹත් ගියා..
දැන් ඉතින්
මං ඉදලා මොකටද

January 20, 2011

හිතේ සමාධිය

හුදකලාවද
ස්වර්ගයක්
නොවුනු තැන
අනේ මගේ
හිතේ සමාධිය
පෙති ඉහිරුණු
මලක් වගේ...

ආදරේ

උතුම් පැතුමකි හදේ පීදුනු
විසල් මැදුරකි හිතේ ඉදිවුන
නෙතේ කඳුලකි දුකක් හිමි කල
ආදරේ..

නොලියු කවිය/සදැස/නිසදැස

ලියා මකා,
කපා කොටා,
පද බඳින,
තවමත්,
හිතට හදට නොදනෙන,
අකුරු...

කවිත් කුමකට?

ඉරත් සයුරත
සඳත් අවරක
නුඹත් නැති දින
කවිත් කුමකට?

January 19, 2011

කෙල්ලෙ නුඹ මෙතරම් රළු යැයි
දැනුනෙ නුඹ මට බැන්නාමයි...
මචං මම මෙතරම් බොළඳ යැයි
සිතුනෙ ඇණවූ පසුවාමයි...

උස් මිටි කුණු හමුවී…

මොකෝ බොලා
ආඩම්බර ඔහෑටි
පලක් නෑ දැන්
රාජකීය පුස් ගැටි
බලාපල්ලා තව විඩෙන්
දෙගොල්ලොම එක හැටි
සභාවේ කුණුවලේ
සමාදානේ සැතපෙනා හැටි

එනවාද බලන්නට?

නොකියනා දහක් දේ
නුඹ කියාදෙන දිනට
නොපතනා දහක් දේ
පතන්නට හැකි දිනට
හිරු සඳුත් මුණගැසෙයි
එනවාද බලන්නට?

න්‍යෂ්ටික විදුවතා

තෝරාගෙන මූලද්‍රව්‍ය
සකසා පරිසරය රිසි
උස්සා උණුසුම
ඇතිකර ඝට්ටනය
වනසා
ගනී වාසිය

January 18, 2011

ජීවිතය අපරාදෙ

අරුත් සුන් ජීවිතය
ගෙවී යයි නොකියාම
අපරාදෙ මගෙ කඳුළු
කුමකටද දුක් සුසුම්
ජීවිතය ගෙවෙන වග
දැන දැනම ඉඳුරාම
සිනහ මල් දම් ගොතන
කවි වදන් තව කුමට

අමාවක සිරි

ගන අඳුර රජ කලත්
අමාවක රෑත්
ලස්සනයි

ආදරය...

දිනෙක බලාපොරොත්තුවක්,
දිනෙක සතුටක්,
දිනෙක විඳිමක්,
දිනෙක දුකක්,
දිනෙක විදවීමක්,
දිනෙක අලුත් බලාපොරොත්තුවක්...

රාවණා

තිබුනත් උරහිසේ ඔලු ගනනින් දහය

නැතුවද සිහිවුනේ රන් ව්‍යවස්ථාව

දහ අට පාස් නම් අදටත් රජ නේද

සීතා කැමැත්තෙන් එහෙනං නුඹ ගාව

January 17, 2011

පුංචි මල්ලිට…

කර දඩු උස් මහත් වුනාට

හීන් අඩියක් ගහලා දුමක් දැම්මට

හයයි හතරේ එවුන් එක්ක චන්ඩි පාට් දැම්මට

මට උඹව ලොකු නැත්තේ

තාමත් මං උඹේ ලොකු අයියා නිසා ....

ඇගෙන් මට...

වැටෙන්නට වෙර දරණ
පිණි බිංදු හත අටක
පහස විද සැනසෙන්න
සඳු නැ‍ඟෙන කණිසමට
විසල් තුරු සෙවන යට
මමත් ඉමි හැමදාම...!

බලු|වෘක

බල්ලන් ගොඩක් මෑද

වෘකයෝ කිහිපදෙනෙක්...

එක බල්ලෙක් වෘක හමක් පොරවන්

වෘකයෝ අබියස ගර්................

දෝංකරය

කඳු පුරා
පල්ලම් බහින
අන්දිරිස් ගේ
කන්නලව්ව

January 16, 2011

අම්මා...

ආරම්භයක් හෝ අවසානයක් නොමැති,
උපමාවක් උපමේයක් නොමැති,
ජීවිතයේ ජිවත් කරවන,
සජිවි ජිවය...

දුම්වැටි විරෝධය

කොණ ගිනිගත් බටයේ
කෙලවර මෝඩයෙක්!
ඒ මෝඩයට බණ කියන
තවත් මෝඩයෙක්!

අවසන් ගමන

සුවද මලක් සොයා
බඹරෙකු ඉගිල ගියා
බාඳුරා මලකට නතුව
හේ අවසන් ගමන් ගියා

ඉටිපන්දම

පුරෝගෙන ඉටිකිරි
නෙතෙහි
බලා සිටින්නේ
නුඹ හඬන්නද?
අඬන්නට එපා නුඹ
අඬන්නට වේවි අපිටත්
දෝරෙ ගිය විට
ඉටිකිරි
මේසය පුරාවට..

January 15, 2011

කුරුළු කූඩුව..

ගලක් ගසනතුරු
ඉහිරෙන්නට
බලාසිටි
කුරුළුකූඩුව

අවමගුල..

ශෝකයට පත් උන්..
මැරි මැරී උපදිති...
තුන්මාසයක්..

සඳක්...

කැටපතෙන්
සඳක් නරඹයි
සඳක් යට!

නුඹේ නමට තිබ්බ ඉඩ
හදවතේ කුරුටු ගා
කලු කලා නුඹ
ආයෙමත්
නුඹේ නමත්
වෙන නමක්වත්
ලියන්නට බැරිවෙන්නම...

January 14, 2011

නිදන් ගත පෙම

හදෙහි තැන්පත් ප්‍රේමයක් ඇත
ඉතා සුරැකිව එය තබා ඇත
නිතර නොවුනත් තවම ඉඳ හිට
මතුපිටට ගෙන අසමි දුක සැප
සුරගන හීනයක් සේ
පියාඹා ඇවිත්
රැගෙන ගියේ නුඹ
මිනිසත් බවේ අරුමයයි.......

අතීතය

සත්තයි
නුඹ ළඟ
මං
හරි
අසරණයි...

ඓශ්චර්‍‍යා

ඓශ්චර්‍‍යා එන්න. . .
මටත් පේන්න. . .
ඇයි උඹ
සන්ධානේ උන්ටම
විතරක් පේන්නේ?

January 13, 2011

මලී

පින්න වැටී නිල් මිණිකැට දිලෙනු බලාපන්
පින්න කැකුළු මල් එකිනෙක පිපෙනු බලාපන්
ගොන්න ගහේ ගහ මුදුනේ ගිරව් බලාපන්
අන්න මලී මල් නෙළනා අගේ බලාපන්

ජංගම දුරකථනය

උඹට පරණ මට අලුත් වුණු
මං අනාථ වී උඹ ගොඩ ගිය
ජංගම දුරකථනය...........
සිරිමත් මගෙ සකි
චාටර් වැද්දෙකි
දැන් මල් පප්පෙකි
හෙන බේබද්දෙකි

ඉර ඉවසන සඳ සතපන

එකම අහස දිව රෑ මැද

හිරු සඳු දෙක නුපදින දින

අහසට සුසුමක්‌ නැගෙයිද

January 12, 2011

මම උඹට වැස්සක්ද ?
නැතිකොට එනකන් අඞන
ආවම යනකන් බනින

කුඩා පිණි බිඳ
කුහුඹුවන් අසල
මහ සයුරකි!

පසුතැවීම

ඔබ
අතැගිල්ලක
රළු මතක
දවන තරම්
මා අතැගිලි
තනිව ගමන් යන
හැම මොහොතක

මගේ හිතේ නුඹ ගැන
උපන් අපිරිමිත සෙනෙහසින්
මම නොකා නොබී
නුඹ වෙනුවෙන් නුඹට
හදලා දුන්න ඒ මුද්ද
නුඹේ අතින්බිම වැටුනා
මගේ හදවත වගේම
නුඹ පරිස්සම් නොකල හින්දා...

January 11, 2011

අලුත් මනමාලි

මොකට එනවාද
පරණ මල් සුවදවල්
අලුත් ගෙදරට
ගෙවදුණු පසුවත්

Tears of Tsunami

සොඳුරු සුදු පෙණ ගෝමරින්
සැදි නීලවන් ලමැදේ
අරන් සංගා ගත් සියක් උන්
නොමැත යළි දුටුවේ....


ඔවුන් යළි ඔබ ඇකෙන්
බැස එන මළවුන්ගේ දවසේ
දහස් තරු ඉටි පහන් පිපියන්
මේ කඳුළු අහසේ....

වසා ඇති කාමර
ඇටසැකිලි වලින් බහුලය.
හඳුනන ඇටසැකිලි වෙත්දැයි
බය හිතේ නිතරම!

පළමු හාදුව

නුඹ මුව සුසුමන් හා පා දැඟලිලි
මගේ හද විලසම කැළඹීනි කෙහෙරැළි
වළා තිරෙන් වසමින් වත හසරැළි
සඳත් අපට ඉඩ දුන්නා නොම දිලි

January 10, 2011

සුභපැතුම්!

රණවිරුවන්ගෙ විනාඩි දෙකේ
නිහඬබව බින්දේ
ලොකු සෑර් එවපු
එස් එම් එස් එක

සිනහව

දහසක් පැතුම් සඟවා
වත් ලූ සළු පිළි උනා දමා
කදුළු ගංඟා මැදින්
සිනාසෙන මෙ අරුමය
කියාදීපන් මට මිතුර

කඳුළ

හදවතක හැඩට කැපූ
ඒ රන් ඇරයුම්පත
කිණිසි පහර දෙයි
පැන පැන
අයිස් කුට්ටියක
සගවා තැබූ
අක්‍රීය කඳුළකට

පාළු හිත

පාළුවට දිගහැරුණු
මගේ මෘදු හිත් මඩල
කටු ගසා පාරවා
නුඹ විඳින රසය කිම?

January 9, 2011

මෝඩකම

හිතට එන හැම සිතුවිල්ලක්ම

නුඹට කීවා නම්

තාමත් නුඹ

මා ගාව.....

මගේ Job එක

උදේ හයට කාමරයෙන් පිටවෙනවා
රෑ නවයට ආපසු මෙහි පැමිණෙනවා
පැය හතරක් බස් රියටම යටවෙනවා
බලන් ඉද්දි මා දැන් වයසට යනවා

සන්නම්

ඔබ විලවුන් බින්දුවක්
වටිනා සන්නමක් ඇති
කොතෙක් සේදුවත්
සුවඳ නොයන

ලොවේ හැම තැනකම
ඇවිද සෙවූ මුත් ප්‍රේමය
මගේ හද පතුලේම
නොතිබී තිබී හමු විය

January 8, 2011

චන්දි ගෙන් මට............

සඳට එක් වෙලා සාවෙක් යන්නායා
ඉරට එක් වෙලා ගිරවෙක් යන්නායා
මලට එක්වෙලා බඹරෙක් යන්නායා
නුඹට එක් වෙලා මගෙ සිත යන්නායා...

හොරුන්ගේ දැක්ම(horoscope)

බොරු කාරයන්ට
සල්ලි ගරා දෙන
කොටු 12
තල් කොලය

වට නොවට

ඉස්සර,
කොයිතරම් නම්
වටිනවද?
ලේසියෙන් නොවැටෙනා හින්දා...

අද,
කොයිතරම් නම්
නොවටිනවාද?
නිතරෝම වැටෙන හින්දා...

ආදරය විකිණීම

පහන් කණු
යට
මුදලට
අලෙවි වන
ආදරය (රාගය)

January 7, 2011

පෙම් වළප

දුම් පිඹින
ඉස්තිරික්කයක්
ඔබ
හිතත් -පපුවත්
එකට පුච්චන

ජැකාගේ දූ

හපන් පැදුර
කාලේ ඉඳන්
හිත්ලෑවේ මං
උඹලට


එහෙව් එකේ ඇයි
බැන්දේ කොහෙවත්
නැති ඩොකෙක්ව
උඹ

සෝදිසි

ළපල්ලක මුදු තොල් උරා බී
කර බදන් නිදි පිනි බිඳක් දැක
හිරුගෙ මුල් රැස් දහර පිළිබඳ
ඉතා සෝදිසියෙන්ය තුරු හිස...

අසමත්

ජිවිතේ පාසලේ
මඟ හැරුණු පාඩමකි
අහිමි දේ නොපතන්න,
ඉතින් මම අසමත්මි..

January 6, 2011

මම නිවී සිටියෙමි.
වැස්ස ඇවිදින්
ගිනි තබනතුරු!

ළිඳ

මහලුකම නොදන්නා
සියඹලා පත්‍ර
මොනවාට එබෙනවාද
මහ ගැඹුරු
ළින් කටට ?

බෝඩිම් වුන ජීවිතය..

හැඩි කෙරුණු කාමරය
දුම පිරුණු පෝරණුව
මත් වතුර බෝතලය
වල් වැදුණු ජීවිතය

ආ වසන්තය

සරදම් නොකරමි
නොපිපුනත් පිපෙන මල්
වසත්කල නුඹමැයි
මට..

January 5, 2011

මූණුපොතේ මගේ ආදරී

මටත් වඩා
මූණුපොතේ
පැළ ටිකටයි
මාළු ටිකටයි
බේකරියටයි
ආදරේ කරන
මගේ ආදරී

ලතැවිල්ල

නෙළුම් පතක් මත
දඟ පෑ පිණි බිඳ
මොහොතින් දියමත
වැතිරී සැඟවිණි
නෙළුම් පතේ
සලකුණු කිසි නැතිවද
නැතිවූ දියබිඳ
ගැන සිත ළතැවිනි

සොරා ගත් තනුව

ආපසු හැරෙනු නොහැකිය
කීර්තිමත් ගායකයාණෙනි
යෝදයා
ඔබව සොයනවා
සොරා ගත්තාට
රන් බිජුලන කිකිළිය
අත හැර
ඒ මිහිරි තනුව

පාහාර, නරුම
කාලකණිනි, වනචර
මුස්පේන්තු, වලත්ත
වල්බූරු, බලු
චිහ්
තව වචන නැති හැටි
මට උඹ ගැන තියෙන
ආදරේ කියන්න
:@

January 4, 2011

සෙට්
වීම
දෙල්


ද්‍රව.........
වායු........
ඝන.......
"ඕකේ....."
ට්‍රීං.......ට්‍රීං........ට්‍රීං.....
ආ..... අම්මා????????????

Massage Clinic

ඇස් බැඳගෙන
මස් මිරිකමි
ගෙදර ගිහින්
කුස් පුරවමි

ආදරය...
හැරෙන්නට
අපි....
කතාකරනව....
ඉර හද තරු සමනල්ලු
හැමදේම ගැන.....
කොන්දේසි විරහිතව...

කොහේවත් නැද්ද.

එහෙත් නැත
මෙහෙත් නැත
කොහේ හෝ
ඇතැයි සිතමි.
ඒත් කොහේවත්
නැති උනොත්?

January 3, 2011

විනාශයක්

අවුලක් නැති
පවුලක් ලඟ
break නැති
හදවතක්...!

රෑ පුරාම
ඔයා ඉල්ලුවා
මගෙන්
ආදරේ..... ...
ඈහෑරිලා බලද්දි
ඔයා
එතන නෑ....
හිටියේ,
ඉර....

නොලියූ කවිය

“නොලියාම ඉන්නෙමි” යි
සිත සිතා තැවෙන විට
සිත පතුල කිතිකවන
නොලියවුන කවිය නුඹ!

ගැබ්බරව කවි අහස
වැලපවයි සලන්නයි
කවි අණුව කවි අණුව
සිතට නුඹේ නිදි බරිත

January 2, 2011

විරහ ගින්න

හීතලේ
ගැහි ගැහි
හිටපු මට
ලොකු ගිණි මැලයක්
ගහලා ගියා
පපුව උඩ
ඇය..

උපාසක උන්නැහේ

ජලය පිරි සෙම්බුවක්
හිස දරා භක්තියෙන්
මග දිගේ යන ගමන්
නොබී ඉන් බිඳක් වත්
පිපාසෙන් මිය ගිහින්

ඇළ

ඇළ හොඳින් හැඳ පැළඳ
ඇවිද යයි කුඹුරු මැද

වැව අරෙහෙ නිදි නැතිව
මේ ඇඳුම් මහපු බව
කිසිම වී කරලකට
ඇළ කියා නැත තවම...

හිස් නොවන ජින් වීදුරුව.

ඔබ අතින්
ඇය අතින්
වරින් වර
පිරවෙන
කිසි දාක
හිස් නොවන
මගේ ජින් වීදුරුව

January 1, 2011

නරි වදන

හඳේ කිරි
තිත්තයි
පැණි දැම්මත්
තිත්තයි...!!

ආන්ත්‍රාවයි

ඩයිනමයිට් පෙට්ටියක
බහාලූ
ගිනි කූ‍රැ දෙකක්
මෙනි
අපි

ඔබ

හෙට උදයෙත් හිරු නැගේවි.....

ඊයේ වාගෙම හිනැහේවි....

විදු පියසෙම ඔබ සොයාවි....

ඔබ නැති කල සසල වේවි....

එම්බා කරීනා කපූරුව
මා නුඹට ආදරේ
බව දැනත්
ඉම්බේ කිම තී
හිරිකිත රොෂානුව